Zurunaliw yiracogo

Réveillez-vous! 8 Nov.

“Duniɲa kuru bɛɛ kɔnɔ, fantanw yɔrɔ ka jan nafolotigiw la. E ka miiri la, cogo juman na bɛɛ be se ka kɛ kelen ye? [An k’a tigi ka jaabili lamɛn. O kɔ, an ka Matiyu 6:9, 10 kalan.] Zurunali nin b’a yira fɛɛn kama an lanen b’a la ko Ala ka Masaya bena dan sigi danfaranw la minw be hadamadenw tɔɔrɔ bi.”

La Tour de Garde 15 Nov.

“Mɔgɔ caaman b’u yɛrɛw ɲininga mun na hadamadenw ka kunkow be juguyara ka taga sanni u ka nɔgɔya. Yala i delila k’a filɛ vɛrise nin be min fɔ o koo la wa? [An ka Jirali 12:9 kalan. O kɔ, an k’a tigi ka jaabili lamɛn.] Zurunali nin b’a yira Sitanɛ be dabali minw kɛ ka mɔgɔw lafili. A fana b’a yira cogo min na an be se k’an yɛrɛ lafasa a ma.”

Réveillez-vous! 22 Nov.

“Domunifɛnw ka ca dugukolo kan, ani u be se bɛɛ labɔ. O bɛɛ n’a ta mɔgɔ miliyɔn 800 tɛ domuni kɛ ka fa. Yala o tɛ nimisako ye wa? [An k’a tigi ka jaabili lamɛn.] Zurunali nin b’a yira ko domuniko be gwɛlɛyara ka taga dugubaw kɔnɔ. A fana b’a yira ko Bibulu ye layidu ta ko loon dɔ, kɔngɔ tɛna kɛ yen tugun duniɲa kɔnɔ.” An ka Zaburu 72:16a kalan.

La Tour de Garde 1 Dec.

“Mɔgɔw mana Harmagedɔn koo mɛn, u be miiri halakiliba dɔ koo la min bena mɔgɔ caamanba faga. [An ka ɲɛɛ 3nan ka koorilen yira a tigi la.] Yala a tɛna bari i la n’i y’a mɛn ko, tiɲɛn na, Harmagedɔn ye koo fisaman ye min be se k’an sɔrɔ wa? [An k’a tigi ka jaabili lamɛn.] Zurunali nin b’o ɲɛfɔ.” An ka 2 Piɛre 3:13 kalan.