Gafe Qu’enseigne la Bible yiracogo

Gafe Qu’enseigne la Bible ? yiracogo dɔw be sɔrɔ sɛbɛ nin ɲɛɛ 3-6nan na. U labɛnna k’an dɛmɛ k’a kofɔ mɔgɔw ye. N’an b’a fɛ ka sanga sɔrɔ, an k’u yɛlɛma ka fɔ an yɛrɛ ka kumacogo la ani ka kɛɲɛ ni mɔgɔw ka miiriyaw ye. A’ y’a ɲini ka deli gafe kɔnɔnako dɔw yiracogo la. An fana be se ka yiracogo dɔw kɛ minw be bɛn an ka kiin mɔgɔw ma.—A filɛ km 1/05 ɲɛɛ 8nan.

Harmagedɔn

◼ “Mɔgɔ caaman fɛ, Harmagedɔn bena na ni halakiliba ye. Yala a bena bari aw la ni ne y’a fɔ ko Harmagedɔn nege ka kan ka kɛ mɔgɔ la wa? [An ka mɛnni kɛ a tigi fɛ. O kɔ, an ka Jirali 16:14, 16 kalan.] A filɛ yan, ɲɛnamaya bena kɛ cogo min na Harmagedɔn tɛmɛnen kɔ.” An ka gafe dayɛlɛ a ɲɛɛ 82-4nan na, ani an ka dakun 21nan kalan.

Bibulu

◼ “Mɔgɔ caaman b’a jati ko Bibulu ye Ala ka Kuma ye. Ile fɛ, cogo di a be se ka weele Ala ka Kuma k’a masɔrɔ hadamadenw lo y’a sɛbɛ? [An ka mɛnni kɛ a tigi fɛ. O kɔ, an ka 2 Piɛre 1:21 kalan. An fana ka gafe ɲɛɛ 19-20, dakun 5nan kalan.] Bibulu b’o ɲiningaliw jaabi. O jaabiliw be sɔrɔ gafe nin kɔnɔ.” An ka ɲɛɛ 6nan ka ɲiningaliw yira a tigi la.

◼ “Bi, kunnafoniw be sɔrɔ caaman ka tɛmɛ fɔlɔ kan. Nka, ladili sɔbɛ minw be se k’an dɛmɛ ka hɛɛrɛ ni ɲɛnamaya fisaman sɔrɔ, an be se k’u sɔrɔ min? [An ka mɛnni kɛ a tigi fɛ. O kɔ, an ka 2 Timote 3:16, 17 kalan. An fana ka gafe ɲɛɛ 22-3, dakun 12nan kalan.] Gafe nin b’a yira cogo min na an be se ka ɲɛnamaya kɛ ka diya Ala ye ani ka nafa sɔrɔ a la.” An ka koorilen ni jaa yira a tigi la gafe ɲɛɛ 122-3nan na.

Saya/Suu kununni

◼ “Mɔgɔ caaman m’a lɔn min be kɛ saya kɔfɛ. Yala mɔgɔ be se k’o lɔn wa? [An ka mɛnni kɛ a tigi fɛ. O kɔ, an ka Waaj. 9:5 kalan. An fana ka gafe ɲɛɛ 58-9, dakun 5-6nan kalan.] Bibulu ye layidu ta ko suuw bena kunu. Gafe nin be ɲɛfɔli kɛ o kan.” An k’a ɲɛɛ 75nan ka jaa yira a tigi la.

◼ “An diyanye mɔgɔ dɔ mana sa, a dagalen be a ɲɛnafin ka kɛ an na. Tiɲɛn tɛ? [An ka mɛnni kɛ a tigi fɛ.] Bibulu b’a fɔ ko suuw bena kunu. O layidu ye mɔgɔ caaman dusu saalo. [An ka Yuhana 5:28, 29 kalan. An fana ka gafe ɲɛɛ 71-2, dakun 16-17nan kalan.] Gafe nin be ɲiningali ninw jaabi fana.” Ɲiningali minw bilara gafe ɲɛɛ 66 daminɛ na, an k’u yira a tigi la.

Ɲɛnamaya banbali

◼ “Mɔgɔ caaman b’a fɛ ka sii jan ni kɛnɛya sɔrɔ. Nka, n’i tun be se ka ɲɛnamaya kɛ fɔɔ abada, yala o tun tɛna diya i ye wa? [An ka mɛnni kɛ a tigi fɛ. O kɔ, an ka Jirali 21:3, 4 kalan. An fana ka gafe ɲɛɛ 54, dakun 17nan kalan.] Gafe nin be ɲɛnamaya banbali sɔrɔ cogo yira an na. A fana b’a yira ɲɛnamaya bena kɛ cogo min na n’o layidu nana dafa.”

Denbaya

◼ “An bɛɛ b’a fɛ hɛɛrɛ ka kɛ an ka gwa kɔnɔ. Tiɲɛn tɛ? [An ka mɛnni kɛ a tigi fɛ.] Bibulu b’a yira bɛɛ be se ka min kɛ walisa hɛɛrɛ ka kɛ gwa kɔnɔ: Ka Ala ka kanuya kɛcogo ladegi.” An ka Efes. 5:1, 2 kalan. An fana ka gafe ɲɛɛ 135, dakun 4nan kalan.

Soo

◼ “Yɔrɔ caaman na, a be gwɛlɛyara ka sibon ɲuman sɔrɔ daa nɔgɔman na. E ka miiri la, yala loon dɔ la, bɛɛ bena u tɔgɔla luu sɔrɔ, min b’u wasa wa? [An ka mɛnni kɛ a tigi fɛ. O kɔ, an ka Esayi 65:21, 22 kalan. An fana ka gafe ɲɛɛ 34, dakun 20nan kalan.] Gafe nin b’a yira cogo min na Ala bena o layidu dafa.”

Jehova Ala

◼ “Mɔgɔ caaman minw lanen be Ala la, u b’a fɛ k’a ye k’u magwɛrɛnen be a la. Yala i b’a lɔn ko Bibulu b’a ɲini an fɛ ko an ka magwɛrɛ Ala la wa? [An ka mɛnni kɛ a tigi fɛ. O kɔ, an ka Yakuba 4:8a kalan. An fana ka gafe ɲɛɛ 16, dakun 20nan kalan.] Minw b’a fɛ ka dɔ fara u ka lɔnniya kan Ala koo la, gafe nin labɛnna k’u dɛmɛ k’o kɛ n’u yɛrɛ tɔgɔla Bibulu ye.” Ɲiningali minw bilara gafe ɲɛɛ 8 daminɛ na, an k’u yira a tigi la.

◼ “Mɔgɔ caaman be delili kɛ ko Ala tɔgɔ ka saniya. Yala i delila k’i yɛrɛ ɲininga o ye tɔgɔ min ye wa? [An ka mɛnni kɛ a tigi fɛ. O kɔ, an ka Zaburu 83:18, NW, kalan. An fana ka gafe ɲɛɛ 195, dakun 2-3nan kalan.] Gafe nin b’a yira Bibulu be min fɔ tiɲɛn-tiɲɛn na Jehova Ala koo la, an’a sagonata koo la ka ɲɛsin hadamadenya ma.”

Yesu Kirista

◼ “Yesu Kirista tɔgɔ bɔra duniɲa kuru bɛɛ kɔnɔ. Dɔw fɛ, Yesu tun ye cɛɛ kabakoman lo ye dɔrɔn. Dɔ wɛrɛw b’a bato i ko Sebagayabɛɛtigi Ala. An be Yesu jati cogo min na, yala o kɔrɔtalen be ile fɛ wa?” An ka mɛnni kɛ a tigi fɛ. O kɔ, an ka Yuhana 17:3 kalan. An fana ka gafe ɲɛɛ 37-8, dakun 3nan kalan. Ɲiningali minw bilara sapitiri tɔgɔ jukɔrɔ, an k’u yira a tigi la.

Delili

◼ “Yala i b’a lɔn Ala b’an ka deliliw jaabi cogo min na wa? [An ka mɛnni kɛ a tigi fɛ. O kɔ, an ka 1 Yuhana 5:14, 15 kalan. An fana ka gafe ɲɛɛ 170-2, dakun 16-18nan kalan.] Kalansen nin b’a ɲɛfɔ fana mun na an ka ɲi ka Ala deli, ani an ka kan ka min kɛ walisa a k’an lamɛn.”

Diinan

◼ “A be mɔgɔ caaman ɲɛɛ na sisan ko diinanw kɛra kunkow sababu ye sanni u ka kɛ dɛmɛ sababu ye. E ka miiri la, yala diinan be mɔgɔw bila sira ɲuman kan wa? [An ka mɛnni kɛ a tigi fɛ. O kɔ, an ka Matiyu 7:13, 14 kalan. An fana ka gafe ɲɛɛ 146, dakun 5nan kalan.] Kalansen nin be hakilinata wɔɔrɔ dɔw sɛgɛsɛgɛ. U b’a yira diinan min ka di Ala ye.” An k’o hakilinataw yira a la gafe ɲɛɛ 147nan na.

Balawow ani tɔɔrɔ

◼ “Balawo dɔ mana kɛ, mɔgɔ caaman b’u yɛrɛw ɲininga ni Ala b’a janto hadamadenw na, ani ni a be hinɛ u la u ka tɔɔrɔw kɔnɔ. Yala i delila ka miiri o koo la wa? [An ka mɛnni kɛ a tigi fɛ. O kɔ, an ka 1 Piɛre 5:7 kalan. An fana ka gafe ɲɛɛ 11, dakun 11nan kalan.] Gafe nin b’a ɲɛfɔ cogo min na Ala bena dan sigi hadamadenw ka tɔɔrɔw la pewu-pewu.” Ɲiningali minw bilara gafe ɲɛɛ 106 daminɛ na, an k’u yira a tigi la.

Marifakɛlɛw ani hɛɛrɛ

◼ “Bɛɛ be hɛɛrɛ fɛ. K’a miiri ko hɛɛrɛ bena kɛ dugukolo kan, yala o ye siko ye wa? [An ka mɛnni kɛ a tigi fɛ. O kɔ, an ka Zaburu 46:9, 10 kalan.] Gafe nin b’a yira cogo min na Ala bena a ka layidu dafa ka hɛɛrɛ sigi dugukolo bɛɛ kan.” An ka gafe ɲɛɛ 35nan ka jaa yira a tigi la. An fana ka gafe 33-4, dakun 17-21nan lajɛ n’a ye.

[Box on page 8]

Bolomafara koo ɲɛfɔcogo

“N’i b’a fɛ ka bolomafara fitinin di an ka baara kama duniɲa kuru bɛɛ kɔnɔ, a bena diya ne ye.”

“An ka gafew tɛ feere. Nka an be sɔn bolomafara dɔɔni na an ka baara kama duniɲa kuru bɛɛ kɔnɔ.”

“N’a sɔrɔ i t’a lɔn cogo min na nin baaraba ɲɔgɔn be kɛra duniɲa bɛɛ kɔnɔ. A musakaw be sara ni mɔgɔw ka bolomafara lo ye. N’i b’a fɛ ka bolomafara fitinin di, a bena diya ne ye.”