Zurunaliw yiracogo ――――――

La Tour de Garde 1 juin

“Siya caamanba fɛ, u tun be mɔgɔkɔrɔbaw bonya fɔlɔfɔlɔ i n’a fɔ sariya kɔrɔ nin b’a yira cogo min na. [An ka Levitike 19:32 kalan.] Yala o bonya ɲɔgɔn ye ka di bi wa? [An ka mɛnni kɛ a tigi fɛ.] Zurunali nin b’a yira cogo min na Ala b’a janto mɔgɔkɔrɔbaw la, ani cogo min na an fana be se k’o ɲɔgɔn kɛ.”

La Tour de Garde 15 juin

“E ka miiri la, an ka kunkow bɛɛ n’a ta, yala an be se ka kɛ hɛɛrɛ la wa? [An ka mɛnni kɛ a tigi fɛ.] Zurunali nin b’an ɲɛsin ladiliw sɔrɔyɔrɔ dɔ ma minw be se k’an dɛmɛ ka see sɔrɔ gwɛlɛyaw kan. A fana b’a yira jigiya lakika be fanga min di mɔgɔ ma.” An ka Jirali 21:3, 4.

Réveillez-vous! Juin

“Balawo minw kɛra kɔsa la, u b’a yira ka gwɛ ko a kɔrɔtalen lo an k’an janto lasɔminiw na. Tiɲɛn tɛ? [An ka mɛnni kɛ a tigi fɛ.] Minw kisira ka bɔ sanfɔɲɔba Katrina la, olu ye kalan min sɔrɔ o la, zurunali nin b’o yira an na. A fana be lasɔmini dɔ kɛ, an kelen-kelen bɛɛ ka kan k’an janto min na bi.” An ka ɲɛɛ 14nan ka barokun yira a tigi la.

La Tour de Garde 1 juillet

“Bi duniɲa ɲagaminen lo kosɔbɛ. Mɔgɔ caaman b’u yɛrɛw ɲininga ko: ‘Mun na kunkow ka ca ten? Ni Ala be yen, mun na a tɛ dɔ kɛ walisa ka tɔɔrɔ ban?’ Yala i delila ka miiri o kan wa? [An ka mɛnni kɛ a tigi fɛ.] Bibulu be ɲɛfɔli gwɛnen di o kan. O be sɔrɔ zurunali nin kɔnɔ.” An ka 2 Timote 3:16 kalan.

Réveillez-vous! Juillet

“Bi, hɛɛrɛ tɛ yen furu minw kɔnɔ, u be cayara ka taga. Yala Ala ka Kuma ladili nin be se k’u nafa n’u sɔnna k’a sira tagama wa? [An ka Efes. 4:32 kalan. O kɔ, an ka lamɛnnikɛ a tigi fɛ.] Réveillez-vous ! nin be Bibulu ka miiriya dɔw lajɛ minw ye sanga sɔrɔ kabini galen. U be se ka mɔgɔ dɛmɛ ka hɛɛrɛ sigi furu kɔnɔ.”