Tɔnbolo ka biro ka lɛtiri

Masaya weleweledala kanulenw

Salon, balimacɛ ni balimamuso waa caaman sɛgɛnna fɔɲɔbaw bolo minw ye tiɲɛni kɛ Mɛkisiko mara la kɔgɔji daa la, Eta Zini kɔnɔ. An b’a fɛ ka waleɲumanlɔn kuma dɔw tilan ni aw ye. O kumaw fɔra dɛmɛ kosɔn min dira ni kanuya ye an kerecɛnɲɔgɔn tɔɔrɔlenw ma.—Yuh. 13:35.

Fɔɲɔba Katerina ye balimacɛ dɔ gwɛn ka bɔ a ka yɔrɔ la. Ale y’a fɔ ko: “An nana n’an kaan na fani dɔrɔn ye. Balimaw y’a bɔ u yɛrɛw la ka wuli o koo kama. U y’a kɛ fɔɔ an y’an yɛrɛw ye i n’a fɔ an be an yɛrɛ ka soo. U tun b’a fɛ an ka to yan.”

Balimacɛ ni balimamuso 8000 ni kɔ ye u ka wagati ni u ka lɔnni ni u ka bololafɛnw ta ka dɛmɛ kɛ. U jɛnna ka baara kɛ ni bon lɔbagaw jɛnkulu 60 ye. U ye dɛmɛ kɛ walisa ka boonw lalaga wala k’u lɔ kokura yɛrɛ: Masaya boon 86 ani sibon 4178. Baara kɛta be yen hali bi: A tɔɔ tora Masaya boon 5 ani sibon 722. Balimacɛw bɔra jamana yɔrɔ bɛɛ la ka na dɛmɛ kɛ. An bɛɛ b’u waleɲuman lɔn kosɔbɛ u ka kanuya baara kosɔn dɛ!—1 Tes. 5:18.

Misigan balimamuso dɔ y’a yɛrɛ di o baara kama. A y’a fɔ ko: “Tuma min na denbayaw y’a ye ko an be tii kura birila u ka soow kan, u ɲɛdaw manamanana. O ye ne dusu diya kosɔbɛ. Ka kɛ nin balimaya jɛnkulu cɛɲumanba ɲɔgɔn kɔnɔ, o be min kɛ ne dusukun na, ne tɛ se k’o lakali yɛrɛ.”

An b’a ɲini aw fɛ aw ka to ka delili kɛ o balima kanulenw bɛɛ ye: minw sɛgɛnna fɔɲɔ bolo, ani minw be dɛmɛ kɛra.—2 Kɔr. 1:11.

A’ balimaw,

Tɔnbolo ka biro