Videwo, min ka kan ka ta sɔbɛ la
“Videwo nin be mɔgɔ lasun ka miiri sɔbɛ la!”
“A sinna ka ne dusu minɛ!”
“A ye baara kɛ ne dusukun na kosɔbɛ!”
1 Yala o ɲɔgɔn lo kɛra aw la fana tuma min na aw siɲɛ fɔlɔ ye videwo nin filɛ wa: Les jeunes s’interrogent... Comment se faire de vrais amis? A saan damanin ye nin ye, balimacɛ dɔ ye teri dɔw sugandi, minw kɛra sababu ye ka gwɛlɛyaw lase a ma. U kɛra sababu ye a y’a mako bɔ tiɲɛn koo la, ani a bɔnɛna a jɛnɲɔgɔnya la ni Jehova ye. O kɔ videwo Vrais amis bɔra. A y’a sɛbɛ ko: “Ne y’o videwo filɛ ka segi a kan siɲɛ caaman. Ne ɲɛji bɔra. Ne be Jehova fo a ka dɛmɛ la, min nana wagati bɛnnen na.” O videwo y’a lasun k’a ka ɲɛnamaya kɛcogo yɛlɛma, ani a y’a dɛmɛ ka teri sɔbɛw sugandi. A y’a fɔ tugun ko: “A gwɛnen be ko aw be denmisɛnw ka gwɛlɛyaw bɛɛ kala ma.” Bangebagaw ni denmisɛnw, mun na aw t’a ɲini k’o videwo filɛ tugun gwakalan nata la? A yɔrɔ kunbaba kelen-kelen filɛli kɔ, a’ y’a faga. Ani a’ ye baro kɛ o kan ni kɔnɔgwɛ ye. A’ y’a kɔnɔ gwɛ fana ka baro kɛ dakun nɔfɛtaw ka ɲiningaliw kan.
2 A daminɛ: Teri sɔbɛ ye mun ye?—Ntalen 18:24.
3 Mun lo be mɔgɔ bali ka teri sɔrɔ? N’a be i ɲɛɛ na ko mɔgɔ tɛ gwɛrɛ i la, i be se ka see sɔrɔ o miiriya kan cogo di (Fil. 2:4)? Mun na i ka kan k’a ɲini k’i jogo yɛlɛma? Jɔn lo be se k’i dɛmɛ k’o kɛ? Mun lo bena sababuw di i ma ka teri wɛrɛw sɔrɔ, ani u be se ka sɔrɔ min?—2 Kɔr. 6:13.
4 Ka teriya kɛ ni Ala ye: I be se ka jɛnɲɔgɔnya teriman yiriwa ile ni Ala cɛ cogo di? Mun na kun b’a la i k’i jija k’o kɛ (Zab. 34:9)? Jɔn lo bena i dɛmɛ cogo fisaman na k’i ka teriya barika bonya ni Ala ye?
5 Teri jugu sifaw: Jɛnɲɔgɔn juguw ye mun lo ye (1 Kɔr. 15:33)? Teri juguw be se ka mɔgɔ mako sa Alako ta fan fɛ cogo di? Bibulu be min fɔ Dina koo la, o be kalan juman di i ma?—Jen. 34:1, 2, 7, 19.
6 Bi tile la maana dɔ: Kelenna sigi ye nɔɔ juman to Tara kan? Cogo juman na a ye joo di a yɛrɛ ma ka jɛnɲɔgɔnya kɛ ni duniɲa denmisɛnw ye? U ye farati juman bila a sen kɔrɔ? Mun na a bangebagaw ma bɔ a kala ma ko a be farati la? Ani, u y’a ta cogo juman na walisa a ka segi ka fanga sɔrɔ Alako ta fan fɛ? Cogo juman na balimamuso piyɔniye dɔ sɔrɔla ka kɛ teri fisaman ye Tara fɛ? Mun na kerecɛnw ka kan k’u janto Ntalen 13:20 ani Jeremi 17:9 la? Tara ye kalan nafaman juman sɔrɔ?
7 A laban: Ile ye kalan juman sɔrɔ nin videwo nin na? I be se ka mɔgɔ wɛrɛ dɛmɛ n’a ye cogo di?—Zab. 71:17.