Zurunaliw yiracogo ――――――

The Watchtower Oct. 1

“Yala tun-k’a-lɔn ma deli k’i sɔrɔ ka ye wa? [Mɛnni kɛ a fɛ.] I k’a filɛ yan mun na tuma caaman na an be koow latigɛ ka tila ka nimisa kɔfɛ. [Jer. 10:23 kalan.] Zurunali nin b’a ɲɛfɔ cogo min na Bibulu ka ladili nafamanw be se k’an dɛmɛ ka koow latigɛ koɲuman.”

The Watchtower Oct. 15

“Mɔgɔ caaman tɛ ni jigiya ye siniɲasigi koo la. O kama u b’a miiri ko a ka fisa an ma, an ka ɲɛnamaya kɛ bi dɔrɔn kama. E ko di? [Mɛnni kɛ a fɛ.] Yesu ye miiriya ɲuman nin fɔ. [Mat. 6:34 kalan.] Zurunali nin b’a ɲɛfɔ cogo min na an be se ka koow latigɛ sini kama ani an kana jɔrɔ kojugu.”

Awake! Oct.

“An bɛɛ kelen-kelen ka mɔgɔ kanulen dɔw sara ka ye. E ka miiri la, yala u be sankolo la n’u b’an kɔrɔsira wa? [Mɛnni kɛ a fɛ.] Lazarɛ salen kɔ, a filɛ Yesu ye min fɔ. [Yuh. 11:11 kalan.] Nin barokun b’a ɲɛfɔ yala ni mɔgɔ salenw be ɲɛnamaya kɛra yɔrɔ dɔ la wala n’u sunɔgɔlen be ka suu kununni kɔnɔ.” Ɲɛɛ 28nan ka barokun yira a tigi la.

The Watchtower Nov. 1

“E ka miiri la, yala duniɲa tun tɛna kɛ yɔrɔ fisaman ye ni mɔgɔw tun be u yɛrɛw majigi dɔɔni wa? [Mɛnni kɛ a fɛ.] A filɛ Yesu ye min fɔ o jogo koo la. [Mat. 23:12 kalan.] Barokun nin b’a yira nafa min b’a la k’i yɛrɛ majigi hali n’an be ɲɔgɔndan duniɲa kɔnɔ.”

Awake! Nov.

“Wagati tɛmɛnenw na, mɔgɔw tun b’u ɲɛsin Bibulu ma walisa a k’u ɲɛminɛ. Nka sisan mɔgɔ caaman be sigasiga a la. E be mun miiri o koo la? [Mɛnni kɛ a fɛ. O kɔ i ka 2 Tim. 3:16 kalan.] Dalilu barikamanw be sɔrɔ nin Réveillez-vous ! kɛrɛnkɛrɛnnin kɔnɔ minw b’a yira ko Bibulu bɔra Ala yɔrɔ.”