I bena mun lo fɔ periyodikiw yiratɔ?
La Tour de Garde 15 oct.
“Mun lo ka kan ka kɛ walisa duniɲa ka fisaya, ani hɛɛrɛ ka caya a kɔnɔ? [A tigi ka jaabili lamɛn.] Hadamaden ye gofɛrɛnɛman sifa caaman kɛ ka filɛ walisa ka koow fisaya. Nka, Ala ka fɛta filɛ nin ye o koo kan. [Jeremi 10:23 kalan.] Sɛbɛ nin kalan be ‘duniɲa hɛɛrɛman gundo’ yira. A fana b’a yira cogo min na o bena kɛ sanni dɔɔni cɛ.
Réveillez-vous ! 22 oct.
“Yala i ma sɔn a la ko bi, degunw ka ca mɔgɔw kun ka tɛmɛ fɔlɔ kan wa? [A ka jaabili lamɛn.] Bibulu tun kɔnna k’o lo fɔ. [2 Timote 3:1 kalan.] Ɲɛnamaya ka gwɛlɛ mɔgɔ caaman fɛ fɔɔ u be jijali bɛɛ dabila. Sɛbɛ nin be jagwɛlɛya sɔbɛ di mɔgɔ ma. A be jigitigɛ kɛlɛ cogo yira, ani a be ɲɛnamaya nege don mɔgɔ la.”
La Tour de Garde 1er nov.
I mana kɔnɔnafili koo dɔw fɔ ka ban, ɲiningali kɛ ko: “Mun lo y’a to mɔgɔw b’o koo jugumanw kɛ? An bɛɛ ka ɲi ka ɲuman lɔn ka bɔ juguman la, nka mɔgɔw be koo jugumanw kɛ hali bi. Mun na do? [A ka jaabili kɔ, Jirali 12:9 kalan.] Sɛbɛ nin b’a yira cogo min na an be se k’an yɛrɛ tanga, an kɛtɔ k’an dusukun kɔrɔsi.”
Réveillez-vous ! 8 nov.
“N’a sɔrɔ, i sɔnna a la ko farinya ka ca an ka wagati la. [A ka jaabili kɔ, 2 Timote 3:3 kalan.] Tuma caaman na, farinya koow be kɛ gwa kɔnɔ yɛrɛ. Nin barokun ‘Dɛmɛ, muso bugɔlenw kama’ be jigitugu kalan di. N’a sɔrɔ i be mɔgɔ dɔ lɔn, i be se k’o kalan tilan n’a ye.”