Zurunaliw yiracogo

The Watchtower Feb. 1

“Ni gwamɔgɔw bɛɛ be nin ladili sira tagama, i ka miiri la u bena nafa juman sɔrɔ o la? [Efesekaw 4:31 kalan. O kɔ mɛnni kɛ a tigi fɛ.] Barokun nin be ladili nɔgɔmanw di ka bɔ Bibulu kɔnɔ. O ladiliw b’a yira cogo min na bɛnbaliyaw be se ka ɲɛnabɔ ani hɛɛrɛ ka to furu kɔnɔ.” O barokun yira a tigi la ɲɛɛ 18nan kan.

Awake! Feb.

“Dɔw be miiri ko Ala b’an ka filiw kelen-kelen bɛɛ jati. Dɔw fana b’a miiri ko an ka jurumuw ka kɛ cogo o cogo, a be u bɛɛ yafa. I be mun miiri o koo la? [Mɛnni kɛ a tigi fɛ. O kɔ Kɛwalew 3:19 kalan.] Barokun nin be fɛɛrɛ saba kofɔ ka bɔ Bibulu kɔnɔ minw b’an dɛmɛ ka Ala ka yafa sɔrɔ.” O barokun yira a tigi la ɲɛɛ 10nan kan.

The Watchtower Mar. 1

“Ne b’a fɛ ka i ka miiriya lɔn nin kuma kan, mɔgɔ caaman be min lɔn. [Yuhana 3:16 kalan.] Yala i delila k’i yɛrɛ ɲininga cogo di cɛɛ kelen saya be se ka ɲɛnamaya banbali di mɔgɔ wɛrɛw ma wa? [Mɛnni kɛ a tigi fɛ.] Zurunali nin b’a ɲɛfɔ ka gwɛ cogo min na an be se ka nafa sɔrɔ Yesu ka saya la. O ɲɛfɔli be mɔgɔ wasa.”

Awake! Mar.

“I ka miiri la yala diinanw bɛɛ ka ɲi wa? [Mɛnni kɛ a tigi fɛ.] A filɛ Bibulu be min fɔ dɔw ka batoli koo la. [Marka 7:7 kalan.] Mɔgɔ be se k’a lɔn cogo di ni diinan be tiɲɛn kalan kɛ, wala n’a ka kalan ye ‘mɔgɔw ka ci fɔlenw dama ye’? Tiɲɛn diinan yɛrɛ be se ka sɔrɔ wa? Zurunali nin be o ɲiningaliw jaabi.”