Zurunaliw yiracogo

The Watchtower July 1

“E ka miiri la, yala mɔgɔ be se ka hɛɛrɛ lakika sɔrɔ nin wagati ɲagaminen kɔnɔ wa? [Mɛnni kɛ a tigi fɛ.] A filɛ min fɔra Bibulu kɔnɔ Filipekaw 4:6, 7. [A kalan.] Barokun nin b’a ɲɛfɔ cogo min na an be se ka hɛɛrɛ sɔrɔ Ala fɛ.” O barokun yira a la ɲɛɛ 10nan kan.

Awake! July

“An bangebagaw ye kalan min di an ma, an caamanba be u waleɲumanlɔn o kosɔn. An ye diinanko minw kalan an demisɛnman, e ka miiri la, n’an b’o kalan sɛgɛsɛgɛ, yala o b’a yira ko an t’an bangebagaw bonya wa? [Mɛnni kɛ a tigi fɛ. O kɔ, 1 Yuhana 4:1 kalan.] Barokun nin b’a yira ni kojugu lo i ka don diinan wɛrɛ la.” O barokun yira a la ɲɛɛ 28nan kan.

The Watchtower August 1

“Dɔw b’a fɔ ko diinanw tɛ sira kelen ye, nka u bɛɛ be taga Ala kelen yɔrɔ. E ka miiri la, yala diinanw bɛɛ ka ɲi wa? [Mɛnni kɛ a tigi fɛ. O kɔ, i ka Matiyu 7:13, 14 kalan.] Bibulu be sinsin koo tigitigi saba kan minw ka kan ka sɔrɔ diinan ɲuman kɔnɔ. Barokun nin be o lo yira.”

Awake! August

“An bɛɛ kelen-kelen delila ka mafiɲɛyali sɔrɔ. E ka miiri la, Ala be o tilenbaliya koo jati cogo di? [Mɛnni kɛ a tigi fɛ. O kɔ, Kɛwalew 10:34, 35 kalan.] Ni mɔgɔ dɔ ye an mafiɲɛya, Bibulu be se k’an dɛmɛ k’o tilenbaliya koo muɲu. A fana be se k’an dɛmɛ an kana mɔgɔ mafiɲɛya. Zurunali nin be o lo ɲɛfɔ.”