Zurunaliw yiracogo

The Watchtower July 1

“N’an teri dɔ ka bana juguyara kosɔbɛ wala n’a be saya daa fɛ, an caaman t’a lɔn an bena min fɔ a ye. I be mun lo miiri ladili nin koo la? [ Yakuba 1:19 kalan. O kɔ, mɛnni kɛ a tigi fɛ.] Zurunali nin be ladili nafamanw di minw basiginen be Bibulu kan.” O barokun yira a la ɲɛɛ 10nan kan.

Awake! July

“Bi, musow be kɛ diinan kuntigiw ye legilizi caaman kɔnɔ. E be o koo filɛ cogo di? [Mɛnni kɛ a tigi fɛ.] A filɛ yan Bibulu be min fɔ musow koo la. [1 Kɔrɛntekaw 14:34 kalan.] Nka, vɛrise wɛrɛ b’a fɔ ko musow be ni danbe ye Ala ka jama cɛma. Zurunali nin b’o ɲɛfɔ.” O barokun yira a la ɲɛɛ 28nan kan.

The Watchtower August 1

“Mɔgɔ caaman be siran ko bɔnbu nikilɛri kɛlɛ dɔ wala dugukolo laminikow yɛlɛmani bena dugukolo tiɲɛ wala k’a halaki. E ka miiri la, yala o be se ka kɛ wa? [Mɛnni kɛ a tigi fɛ.] A filɛ Bibulu be min fɔ o koo la. [ Jirali 11:18 kalan.] Mɔgɔw ka teli ka ɲiningali naani minw kɛ duniɲa ban koo la, zurunali nin b’u jaabi.”

Awake! August

“N’a sɔrɔ Jehova Seerew kumana i fɛ ka ye. Yala i ma deli k’i yɛrɛ ɲininga ko mun na an be to ka taga soo ni soo k’a sɔrɔ mɔgɔ caaman tɛ sɔn k’an lamɛn wa? [Mɛnni kɛ a tigi fɛ. O kɔ, Matiyu 24:14 kalan.] An y’a kɔrɔsi ko mɔgɔ caaman tɛ tiɲɛn tigitigi lɔn an koo la. Zurunali nin b’a ɲɛfɔ Jehova Seerew ye mɔgɔ minw ye.”