Aw Ka Ɲiningaliw Jaabiliw

◼ I ka kan ka mun lo kɛ n’a fɔra i ye ko i ka waajuli dabila?

Ka weleweledalaw to waajuli baara faan dɔ kɛli la, polisiw gwɛrɛla u la k’a fɔ u ye ko u be sariya tiɲɛna ani ko u k’o dabila. N’o ɲɔgɔn fɔra i ye, i ka kan ka bonya la u kan ani i ka teliya ka bɔ o kiin kɔnɔ (Mat. 5:41; Fil. 4:5). I kana a ɲini k’o koo ɲɛnabɔ i yɛrɛ ma i kɛtɔ ka sɔsɔli kɛ n’u ye ko sariya be joo di i ma ka waajuli kɛ. Nimɔrɔ minw be o polisicɛ ka fani kan, i k’a ɲini nɛmɛnɛmɛ k’u lɔn. O kɔ, i ka teliya k’o koo fɔ diinan mɔgɔkɔrɔw ye walisa olu ka Betɛli lalɔnniya o koo la. O cogo kelen na, ni sangaso dɔw wala luu dɔw ka garadiɲɛ wala kuntigi dɔ y’a fɔ i ye ko i ka bɔ yen, i ka sɔn ka bɔ yen joona ani i k’o koo fɔ diinan mɔgɔkɔrɔw ye. N’i b’i dusu suma ani k’i majigi ka faamanw jaabi, o be se ka kɛ sababu ye k’i tanga gwɛlɛya gwansan ma.—Ntal. 15:1; Rom. 12:18.