Picture Credits: Page 3: Kokkinakis v. Greece: Droit réservé
Sanfɛ, k’a ta numanbolo fɛ ka taga kinibolo fɛ: Académie de Virginie occidentale contre Barnette; Kokkinakis contre Grèce. Duguma, k’a ta kinibolo fɛ ka taga numanbolo fɛ: Taganrog LRO and Others v. Russia; Cha and Others v. South Korea
KERECƐNW KA ƝƐNAMAYA
Ka ‘kibaro diiman lafasa ani k’a sabati’ sariya ɲɛɛ kɔrɔ
Tuma min na Israɛldenw kɛlɛbagaw y’a ɲini ka Alabatosoba lɔli baara lalɔ, Israɛldenw y’u jija k’a yira ko sariya ɲɛɛ kɔrɔ, joo b’u fɛ k’o lɔli baara kɛ (Ɛsid. 5:11-16). O cogo kelen na, bi bi nin na, kerecɛnw b’u jija ka kibaro diiman lafasa ani k’a sabati sariya ɲɛɛ kɔrɔ (Filip. 1:7). O lo kama saan 1936, u ye biro dɔ sigi sen kan an ka sigiyɔrɔsoba la min be an ka kitikow ɲɛnabɔ. Bi, o biro lo be labɛnw kɛ walisa k’an ka Masaya waajuli baara lafasa duniɲa kuru bɛɛ kɔnɔ. O biro ye dɛmɛ don Masaya waajuli baara la cogo di? Ani o ye Ala sagokɛlaw nafa cogo di?
VIDEWO NIN FILƐ: BIRO MIN BE AN KA KITIKOW ƝƐNABƆ SIGIYƆRƆSOBA LA, A KA BAARA YE MUN LO YE? O KƆ, ƝININGALI NUNU JAABI:
Jehova Seerew ye gwɛlɛya jumanw lo sɔrɔ kitikow la?
An ye see sɔrɔ kitiko jumanw lo la? Ɲɛyirali dɔ fɔ.
An kelen kelen bɛɛ be se ka mun lo kɛ walisa ka ‘kibaro diiman lafasa ani k’a sabati’ sariya ɲɛɛ kɔrɔ?
An ka site web yɔrɔ juman lo la an be se ka kunnafoniw sɔrɔ an ka kitikow la ani k’a lɔn Jehova Seere minw be kaso la u ka limaniya kosɔn?