Zurunaliw yiracogo

The Watchtower August 1

“E ka miiri la, mɔgɔ mako be mun lo la walisa ka kɛ hɛɛrɛ la? [Mɛnni kɛ a tigi fɛ. O kɔ, Matiyu 5:3 kalan.] Nin ye Yesu ka kumaw la kelen dɔrɔn ye a ye minw fɔ hɛɛrɛ koo la. An be kalan min sɔrɔ Yesu fɛ hɛɛrɛ sɔbɛ sɔrɔcogo koo la, zurunali nin be baro kɛ o kan.” O barokun yira a la ɲɛɛ 16nan kan.

Awake! August

“Bi, filimu caaman be jinakow ani subagayakow lo yira. E ka miiri la, yala jinaw be yen tiɲɛn-tiɲɛn na wa? [Mɛnni kɛ a tigi fɛ. O kɔ, 1 Kɔrɛntekaw 10:20 kalan.] Zurunali nin b’a yira Bibulu be min fɔ jinaw koo la ani an be se k’an yɛrɛ tanga u ma cogo min na.” O barokun yira a la ɲɛɛ 20nan kan.

The Watchtower September 1

I ka koo dɔ fɔ min kɛra kiin kɔnɔ a ma mɛn ani a ye kiinmɔgɔw kɔgɔ gwan. O kɔ, a fɔ ko: “I ma deli k’i yɛrɛ ɲininga mun na mɔgɔw be kojugubaw kɛ ten wa? [Mɛnni kɛ a tigi fɛ.] Bibulu be jigiya di an ma. [2 Piɛrɛ 3:13 kalan.] Juguya sababu ye min ye ani Ala bena kojugukɛ ban cogo min na yanni dɔɔni, zurunali nin b’a yira Bibulu be min fɔ o koo la.”

Awake! September

“E ka miiri la, yala selilɛriw, e-mail, chat (baro ɛntɛrɛnɛti kan) ani kumaɲɔgɔnya fɛɛrɛ kura wɛrɛw ye dɔ bɔ mɔgɔ ka kelennasigi la wala u kɛra sababu ye ka mɔgɔ bila kelennasigi la wa? [Mɛnni kɛ a tigi fɛ.] Ladili dɔ filɛ min be se k’an dɛmɛ ka kelennasigi kɛlɛ. [Kɛwalew 20:35 kalan.] Zurunali nin be Bibulu ka ladili nafaman wɛrɛw di.”