Aw Ka Ɲiningaliw Jaabiliw

◼ Ni Bibulu kalanden be ɲɛtaga kɛra, kalan be se ka kɛ n’a ye fɔɔ wagati juman?

Ni Bibulu kalanden be ɲɛtaga kɛra, a ka ɲi an ka to ka kalan kɛ n’a ye fɔɔ ka gafe fila nunu ban: Kalan tigitigi juman be Bibulu kɔnɔ? ani “Gardez-vous dans l’amour de Dieu.” Kalanden ka kan k’o gafe fila ban hali n’a batisera. Kalanden batiselen kɔ, an be se k’o bibulukalan ni wagati ni viziti kura jati halibi an ka rapɔɔri kɔnɔ. Ni weleweledala dɔ y’an bila sira ani k’a daa don kalan na, ale fana be se ka kalan wagati jati a ka rapɔɔri kɔnɔ.—A filɛ An ka Masaya Cidenyabaara kɔnɔ, saan 2009 marisikalo ta, ɲɛɛ 2nan.

A kɔrɔtalen lo an ka mɔgɔ kuraw dɛmɛ k’u ka Alako juu sigi ka ɲɛ tiɲɛn sira kan ka sɔrɔ k’u to u yɛrɛ ma. Walisa ka see sɔrɔ u ka gwɛlɛya nataw kan, u ka kan ka nɔrɔ Krista la i ko yiri lili donnen dugukolo la ani “ka sabati dannaya la.” (Kol. 2:6, 7; 2 Tim. 3:12; 1 Piɛrɛ 5:8, 9). Ka fara o kan, walisa u ka se ka mɔgɔ wɛrɛw kalan koɲuman, olu yɛrɛ ka kan ka lɔnniya tigitigi sɔrɔ tiɲɛn koo la (1 Tim. 2:4). An kɛtɔ ka gafe fila kalan ka ban n’an ka kalandenw ye, an b’u dɛmɛ u k’a daminɛ ka tagama koɲuman ‘sira kan min bɛ taa ɲɛnamaya la.’—Mat. 7:14.

Sanni diinan mɔgɔkɔrɔw ka sɔn a ma ko mɔgɔ dɔ be se ka batise, u ka kan ka la a la ko o tigi be Bibulu ka kalan jɔnjɔnw faamu ka ɲɛ ani a b’u sira tagama. U ka kan k’u janto kosɔbɛ n’a y’a sɔrɔ kalanden ma tila gafe fɔlɔ kalan na. Ni mɔgɔ dɔ ka koow ma dafa batɛmu kama, diinan mɔgɔkɔrɔw ka kan k’u janto ko o tigi be dɛmɛ sɔrɔla walisa a ka se ka batɛmu saratiw dafa kɔfɛ.—A filɛ gafe Organisés pour faire la volonté de Jéhovah kɔnɔ, ɲɛɛ 217-218.

[Koorilen ɲɛɛ 2 kan]

A kɔrɔtalen lo an ka mɔgɔ kuraw dɛmɛ k’u ka Alako juu sigi ka ɲɛ tiɲɛn sira kan