U dɛmɛ u ka sabati limaniya la

An dusu ka di k’a ye ko Jehova be an ka waajuli baara dugara. Saan o saan mɔgɔ 250 000 ni kɔ be batise (Deter. 28:2). Weleweledala dɔ mana Bibulu kalanden dɛmɛ ka batise, a ka teli ka kalan dabila n’a ye ani a be banba ka mɔgɔ wɛrɛw dɛmɛ. Kalanden fana ka teli ka kalan dabila walisa ka wagati caaman kɛ waajuli baara la. Nka, a kɔrɔtanin lo kalandenw ka sabati koɲuman tiɲɛn sira kan. U ka ɲi ka sabati Krista la i ko yiri liliw donnin be dugukolo la cogo min na. U fana ka ɲi “ka sabati dannaya la” (Kɔlɔs. 2:6, 7; 2 Tim. 3:12, ABM ). O kama, kalanden batisenin kɔ, a ka ɲi ka to k’a ka bibulukalan kɛ fɔɔ ka gafe fila nunu ban: Bibulu ka kalan ani “Ala ka kanuya.”—A filɛ An ka Masaya Cidenyabaara kɔnɔ, saan 2011 awirilikalo ta, ɲɛɛ 2nan.