Masaya dɔnkiliw diyabɔcogo ɲuman

Ala sagokɛlaw b’a jati ko dɔnkili ye Jehova ka nilifɛn ɲuman ye (Yak. 1:17). A ka di kafo caaman ye ka sono kaan jigi ani ka to ka Masaya dɔnkiliw lamɛn sanni lajɛnw ka daminɛ ani u banni kɔ. O dɔnkiliw ye fɛɛrɛ ɲuman ye k’an bisimila lajɛnw na. O b’an dɛmɛ an k’an ka miiriyaw labɛn Jehova batoli kama. Ka fara o kan, an kɛtɔ k’an ka dɔnkili kuraw lamɛn, o b’an dɛmɛ k’u lacogo lɔn ani k’u la ka ɲɛ. O dɔnkiliw mana to ka la lajɛn banni kɔ, o be kɛ sababu ye kafodenw be to ninsɔndiya la ɲɔgɔn fɛ ani u be ɲɔgɔn jija. Diinan mɔgɔkɔrɔw jɛnkulu ka kan ka labɛn ɲuman kɛ walisa kafodenw ka se ka piyano fɔlikan (Chantons à Jéhovah — Accompagnement au piano) lamɛn sanni lajɛnw ka daminɛ ani u banni kɔ fana. U ka kan k’u janto ko sono kaan makɛɲɛnin lo ani a tɛ mɔgɔ si bali ka baro kɛ ni tɔɔw ye.