Les Témoins de Jéhovah — La foi en action, 1re partie : La sortie des ténèbres
Bibulu kɔnɔ, yeelen ye tiɲɛn tagamasiɲɛ ye, ani dibi ye ngalon tagamasiɲɛ ye (Zab. 43:3; Es. 5:20). Sutana ye dibi don duniɲa kɔnɔ tuma min na a ye Awa lafili ani a labanna ka duniɲa kuru bɛɛ don dibiba kɔnɔ (Jir. 12:9). Videwo nin b’a yira cogo min na hakilimaya yeelen y’a daminɛ k’a bɔ dibi la (Es. 60:1, 2). A kuun ko: Les Témoins de Jéhovah — La foi en action, 1re partie : La sortie des ténèbres. A filɛnin kɔ, a ɲini ka ɲiningali nunu jaabi:
1) Dibiba ye barika sɔrɔ cogo di cidenw sanin kɔ? 2) K’a daminɛ saan 1100 na, mun lo ye mɔgɔw dɛmɛ k’a faamu ko legiliziw ka kalanw tɛ tiɲɛn ye? 3) Henry Grew ni George Storrs tun ye jɔnw lo ye? 4) Charles Russell ka ɲɛnamaya kɔnɔ, koo jumanw lo ye nɔɔba to a kan? 5) Balimacɛ Russell n’a facɛ ani u lɔnbaga damanin tun b’u ka Bibulu kalan kɛ cogo di? U ye koo jumanw lo faamu Bibulu kɔnɔ? 6) O bibulukalan jɛnkulu labanna ka fara Nɛlsɔn Barbour ka mɔgɔw kan cogo di? Nka, mun lo y’a to balimacɛ Russell y’a yɛrɛ mabɔ u la? 7) Mun lo kɛra zuwekalo la saan 1879 na min tun ye koo kura daminɛtɔ ye hakilimaya yeelen koo la? 8) O kɔ, Bibulu Kalandenw hakɛ min tun be cayara, olu ye mun lo kɛ walisa ka kibaro diiman jɛnsɛn? 9) Wagati jan sanni 1914 ka se, Bibulu Kalandenw jigi tun b’a la ko mun lo bena kɛ o saan 1914 la? 10) Balimacɛ Russell sanin kɔ, gwɛlɛya jumanw lo ye Bibulu Kalandenw sɔrɔ? 11) Balimacɛ Rutherford n’a jɛnɲɔgɔnw bɔnin kɔ kaso la, Bibulu Kalandenw ye mun lo kɛ? 12) Videwo nin filɛnin ye i ka waleɲumanlɔn bonya cogo di Jehova ka ɔriganisasiyɔn ta fan fɛ? 13) Videwo nin ye i jija cogo di i k’i cɛsiri ka to ka waajuli kɛ ni kisɛya ye hali ni gwɛlɛyaw b’i kan? 14) I be se k’i somɔgɔw, Bibulu kalandenw ani mɔgɔ wɛrɛw dɛmɛ ni videwo nin ye cogo di?
O Bibulu Kalanden fɔlɔw ye cɛɛn min to an ye Alako ta fan fɛ, o ye fɛɛn nafamanba ye dɛ! Duniɲa dibiman kɔnɔ Alako ta fan fɛ, u ye u jaa gwɛlɛya ka hakilimaya yeelen bɔ ni kisɛya ye. An k’u ladegi ani an ka to ka “taama i ko kɛnɛdenw.”—Efes. 5:8.