Les Témoins de Jéhovah : organisés pour prêcher la bonne nouvelle

A saan kɛmɛ ni kɔ ye nin ye, Jehova Seerew ye labɛnw kɛ ka kibaro duman jɛnsɛn. O nana kɛ waajuli kanpaɲiba ye min ɲɔgɔn ma deli ka kɛ duniɲa kɔnɔ. O sen fɛ an be kibaro duman fɔ kaan kɛmɛ-kɛmɛ la, jamana 230 ni kɔ kɔnɔ (Mat. 24:14). Nka mun na o baara ye waajibiko ye do? Ani o be kɛra duniɲa kuru bɛɛ kɔnɔ cogo juman na? Videwo Les Témoins de Jéhovah : organisés pour prêcher la bonne nouvelle b’o ɲiningaliw jaabi. An ka baara min be kɛra duniɲa kɔnɔ, a b’o faan caaman yira k’u pereperelatigɛ. A filɛnin kɔ, i k’a ɲini ka ɲiningali nunu jaabi:

Cogo di videwo nin ye dɔ fara i ka waleɲumanlɔn kan koow nunu na: 1) Jehova ka jɛnkulu be jijali min kɛra ka kibaro duman waaju? (2 Tim. 4:2). 2) Betɛli denbaya minw be yen duniɲa kɔnɔ? 3) fɔrɔmasɔn min be di kɔrɔsibagaw ni misɔndenw ma? (2 Tim. 2:2). 4) nafa min b’a la ka tile daminɛ ni bibulusen dɔ lajɛli ye loon o loon, ani ka kafo ka lajɛnw labɛn lɔgɔkun o lɔgɔkun? (Kɛw. 17:11). 5) nafa minw b’a la ka taga an ka lajɛnw na? (Heb. 10:24, 25). 6) alijɛnɛ bena na ni koo duman minw ye dugukolo kan? (Es. 11:9). 7) nɛɛma min b’i fɛ k’i seen don sumantigɛ baara la min be sen kan?—Yuh. 4:35.

Videwo nin ye fɛɛrɛ ɲuman ye walisa ka makodon mɔgɔw dɛmɛ u k’a lɔn Jehova Seerew be baara min kɛra duniɲa kuru bɛɛ kɔnɔ. 8) Tuma juman na a ka ɲi an ka videwo nin yira Bibulu kalandenw, an somɔgɔw ani mɔgɔ wɛrɛw la? 9) Videwo nin filɛnin kɔ, u ye kuma diiman juman lo fɔ a koo la?

Jehova be min kɛra, n’an be miiri o kan, o b’an lasun ka sɔn Zaburu sɛbɛbaga ka kuma nunu na: “Matigi, ne ka Ala, i ka kabakow ni i ka ko ɲumanbaw, i ye minnu kɛ an ye, dan tɛ olu la. An tɛ se ka olu jate i ɲɛ kɔrɔ.” (Zab. 40:6). O kama, an ka baara ɲuman kɛ ni videwo nin ye walisa ka mɔgɔw dɛmɛ u ka Jehova n’a ka jɛnkulu waleɲuman lɔn.