Yiracogo modɛliw

Bibulukalanw daminɛcogo novanburukalo ka samedi fɔlɔ la

“An caaman mako be gofɛrɛnɛman ɲuman na. E ka miiriya la, gofɛrɛnɛman sifa juman lo bena se ka adamadenw ka kunkow ɲɛnabɔ? [Mɛnni kɛ a tigi fɛ.] A filɛ min fɔra yan.” I ka novanburu tile fɔlɔ ka La Tour de Garde di a tigi ma. A’ ye ɲiningali fɔlɔ ka jaabili kalan ɲɔgɔn fɛ ɲɛɛ 16nan na ka baro kɛ o kan, ani a’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower November 1

“An b’a fɛ k’i ka miiriya lɔn koo dɔ la. N’i tun be se ka Ala ɲininga koo dɔ la, i tun bena a ɲininga mun lo la? [Mɛnni kɛ a tigi fɛ.] Ka kɛɲɛ ni Yesu ka fɔta ye, a daganin lo ka jaabiliw ɲini an ka ɲiningali sɔbɛw la. [Matiyu 7:7 kalan.] Bibulu be ɲiningali saba nunu jaabi cogo min na, zurunali nin b’o yira.” O ɲiningaliw yira a tigi la ɲɛɛ 3nan jukɔrɔ.

Awake! November

“Bi, an be bɔ mɔgɔw ye k’u dɛmɛ denbayako ta fan fɛ. Minw b’u deenw lamɔ u kelen n’u kelen, u hakɛ be cayara. E ka miiri la, koow ka gwɛlɛ olu fɛ ka tɛmɛ bangebaga fila ta kan wa? [Mɛnni kɛ a tigi fɛ.] Bangebaga caaman ye ladili nafamanw sɔrɔ Bibulu kɔnɔ. [2 Timote 3:16 kalan.] Minw b’u deenw lamɔna u kelen n’u kelen, zurunali nin be ladili dɔw di minw be se k’u dɛmɛ u k’u ka kunkanbaara gwɛlɛ dafa.”