Yiracogo modɛliw

Bibulukalanw daminɛcogo zanwiyekalo ka samedi fɔlɔ la

“E ka miiri la, Ala tɔgɔ ko di? [Mɛnni kɛ a tigi fɛ.] A filɛ min sɛbɛra yan.” I ka zanwiye tile fɔlɔ ka La Tour de Garde di a tigi ma. Barokun min b’a kɔgolo kan i k’o yira a tigi la ani a’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower January 1

“Mɔgɔ caaman be kuma duniɲa laban koo la. E ka miiri la, yala duniɲa laban ye koo ye mɔgɔ ka kan ka siran min ɲɛ wa? [Mɛnni kɛ a tigi fɛ.] Bibulusen nin b’a yira ko mɔgɔ dɔw bena kisi. [1 Yuhana 2:17 kalan.] Mɔgɔw ka teli ka ɲiningali naani minw kɛ duniɲa laban koo la, zurunali nin be Bibulu ka jaabili di o koo la.”

Awake! January

“An be bɔra mɔgɔw ye k’u dɛmɛ denbayako ta fan fɛ. E ka miiri la, yala a kɔrɔtanin lo denbayaw ka Yesu ka kuma nunu sira tagama wa? [Kɛwalew 20:35b kalan, o kɔ mɛnni kɛ a tigi fɛ.] A man nɔgɔ ka denmisɛnw kalan u k’u janto mɔgɔw la, sabu bi mɔgɔ caaman be miiri u yɛrɛ ka nafa dɔrɔn lo koo la. Zurunali nin be ladili nafaman dɔw di bangebagaw ma k’a yira cogo min na u be se k’u deenw lamɔ walisa u ka bonya la mɔgɔw kan.”