Yiracogo modɛliw

Bibulukalanw daminɛcogo feburukalo ka samedi fɔlɔ la

“Mɔgɔ caaman b’a miiri ko juguya min be duniɲa kɔnɔ, Sutana nɔɔ lo. Nka, u b’u yɛrɛ ɲininga ko: ‘Sutana bɔra min? Ala lo y’a dan wa?’ E ka miiriya ye mun ye o koo la? [Mɛnni kɛ a tigi fɛ.] A filɛ min fɔra yan.” I ka feburu tile fɔlɔ ka La Tour de Garde di a tigi ma. Barokun min b’a kɔgolo kan i k’o yira a la ani a’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.

The Watchtower February 1

“An b’a fɛ k’i ka miiriya lɔn mɔgɔ dɔ koo la, Kerecɛnw, Yahutuw ni Silamɛw be bonyaba la min kan. O tigi ye Musa lo ye. Ele mana Musa koo mɛn, koo fɔlɔ juman lo be na i hakili la? [Mɛnni kɛ a tigi fɛ.] Musa ka filiw bɛɛ n’a ta, Bibulu b’a tɔgɔ ɲuman fɔ. [Dutɛrɔnɔmɛ 34:10-12 kalan.] Zurunali nin be kuma Musa jogo ɲuman saba koo la ani a b’a yira cogo min na an be se k’a ladegi.”

Awake! February

“Bi, mɔgɔw ka teli ka taga sigi jamana wɛrɛ la walisa k’u ka ɲɛnamaya cogo fisaya. U be fɛɛn min ɲinina, yala u b’o sɔrɔ tuma bɛɛ wa? [Mɛnni kɛ a tigi fɛ.] Ka taga sigi jamana wɛrɛ la, o koo ma daminɛ bi. A filɛ Bibulu ka kitabu fɔlɔ yɛrɛ be min fɔ. [Jenɛse 46:5, 6 kalan.] Zurunali nin be ɲiningali nunu lajɛ.” Ɲiningali minw be ɲɛɛ 6nan laban na, o yira lamɛnnikɛla la.