Yiracogo modɛliw
Bibulukalanw daminɛcogo feburukalo ka samedi fɔlɔ la
“An y’a kɔrɔsi ko mɔgɔw ka miiriyaw tɛ kelen ye Bibulu koo la. Dɔw b’a jati Ala ka Kuma ye, k’a sɔrɔ dɔw fɛ, kitabu gwansan lo. E be mun lo miiri Bibulu koo la?” Mɛnni kɛ a fɛ. Feburukalo tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
La Tour de Garde 1er février
“Mɔgɔ caaman b’a fɛ marifakɛlɛw ka ban duniɲa kɔnɔ. E ka miiriya la, o be se ka kɛ wa? [Mɛnni kɛ a tigi fɛ.] A filɛ Bibulu be min fɔ o koo la. [Zaburuw 46:10 kalan.] I k’a lɔn ko koo minw be kɛra kabi kɛlɛba fɔlɔ wagati la, u b’an jigi sigi ko sanni dɔɔni Ala bena o layidu dafa ani ka marifakɛlɛw ban pewu. Zurunali nin b’o lo ɲɛfɔ.”
Réveillez-vous ! Février
“An be baro kɛra ni mɔgɔw ye gwɛlɛya dɔ kan min be mɔgɔ caaman kan. A be komi an ka wagati t’an bɔ ka ye. E ka miiriya la, mun na an ka wagati tɛ an bɔ do? An ka kokɛtaw lo ka ca kojugu wala an lo b’an ka wagati tiɲɛ kojugu? [Mɛnni kɛ a tigi fɛ.] Bibulu b’a fɔ an ye an be se ka min kɛ walisa an ka wagati k’an bɔ, nka mɔgɔ caaman t’o kala ma. O ladili dɔ filɛ yan. [Filipikaw 1:10a kalan.] Zurunali nin be ladili naani di minw ye mɔgɔ caaman dɛmɛ k’u ka wagati kɛ ni hakilitigiya ye.”