Yiracogo modɛliw
Masaya kibarow no 38
“An be kanpaɲi dɔ kɛra duniɲa kuru bɛɛ kɔnɔ walisa ka kibaro nafaman nin lase mɔgɔw ma. Aw ta ye nin ye.”
I janto: Aw kana kuma caya. O la, aw bena se k’a jɛnsɛn aw ka kiinw bɛɛ kɔnɔ. Nka, a be se ka kɛ ko i lamɛnbaga b’a mako don sɔbɛ la ani a b’a fɛ ka baro kɛ. N’o lo, i k’a ɲininga ale be min miiri Masaya kibarow barokun koo la. Bibulu ka jaabili yira a la sɛbɛnin kɔnɔ. Ni wagati be yen, a’ ye sɛbɛnin yɔrɔ dɔ lajɛ ɲɔgɔn fɛ. Sɛbɛnin ɲɛɛ laban na, ɲiningali dɔ be sɔrɔ barokun nin jukɔrɔ: “Miiri k’a filɛ.” Sanni i ka taga, o ɲiningali yira a tigi la. Labɛn kɛ walisa ka segi ka na baro kɛ o kan n’a ye.
The Watchtower November 1
“Ngalon caaman fɔra Ala koo la. E ka miiri la, juman lo ka jugu n’u bɛɛ ye? [Mɛnni kɛ a tigi fɛ.] Bibulu b’a fɔ ko Ala b’a fɛ mɔgɔw k’ale kanu ani ka la ale la. [Ezayi 41:13 kalan.] Mɔgɔw ka teli ka ngalon kuma minw fɔ Ala koo la, zurunali nin be u la saba lajɛ. O ngalon kumaw lo y’a to dɔw be sigasiga ka Ala deli.”
Awake! November
“Mɔgɔ caaman be hami ko adamadenw sɔɔn be tiɲɛna ka taga. E ka miiri la, fɛɛn minw tun be jati koo jugu ye fɔlɔ la, yala mɔgɔw be sɔn o ma bi wa? [Mɛnni kɛ a tigi fɛ.] Bibulu tun kɔnna k’a fɔ ko mɔgɔw ka miiriyaw n’u tagamacogo tun bena yɛlɛma. [2 Timote 3:1-5 kalan.] Zurunali nin b’a ɲɛfɔ fɛɛn min kama an be se ka sɔn Bibulu ka miiriyaw ma tagamacogo ta fan fɛ.”