Yiracogo modɛliw
Bibulukalanw daminɛcogo ɔkutɔburukalo ka samedi fɔlɔ la
“An be baro kɛra n’an sigiɲɔgɔnw ye gofɛrɛnɛman ɲuman koo la. Ele fɛ, yala see be gofɛrɛnɛmanw bɛɛ ye ka fariyakow, tilenbaliyakow n’a ɲɔgɔnna koow ban wa?” Mɛnni kɛ a tigi fɛ. A hakili jigi ko Yezu y’a ka kalandenw degi delili dɔ la. A y’a ɲini u fɛ u ka delili kɛ walisa o gofɛrɛnɛman ɲɔgɔn ka na, o min ye Ala ka Masaya ye. Ɔkutɔburu tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
La Tour de Garde 1er octobre
“An be baro kɛra n’an sigiɲɔgɔnw ye delili dɔ koo la mɔgɔ caaman be min lɔn. Yezu y’a ka kalandenw degi o delili koo la. [Matiyo 6:9, 10 kalan.] Ala ka Masaya ye mun lo ye, ani mun na Yezu kumana o Masaya koo la siɲɛ caaman na? Yala mɔgɔ dɔ delila k’o koo ɲɛfɔ i ye ka ɲɛ wa? [Mɛnni kɛ a tigi fɛ.] Bibulu be min fɔ Ala ka Masaya koo la ani o Masaya bena duga minw lase adamadenw ma, zurunali nin b’o ɲɛfɔ.”
Réveillez-vous ! Octobre
“An be mɔgɔw dɛmɛna ka ɲiningali nin ka jaabili sɔrɔ. [O ɲiningali yira a tigi la zurunali kan.] E ka miiri la, walisa an ka ɲɛnamaya k’an wasa, yala waajibi lo an ka kɛ nafolotigi ye wa? [Mɛnni kɛ a tigi fɛ.] Bibulu b’an dɛmɛ ka bololafɛnw koo jati k’a dama kɛɲɛ. [Luka 12:15 kalan.] Bibulu b’a fɔ ko bɛɛ ka ɲɛnamaya be se k’a wasa. Zurunali nin b’o lo ɲɛfɔ.”