Yiracogo modɛliw
Bibulukalanw daminɛcogo mɛkalo ka samedi fɔlɔ la
“Ne b’a fɛ k’a lɔn e bena ɲiningali nin jaabi cogo min na. [Ɲiningali fɔlɔ min be mɛkalo tile fɔlɔ ka La Tour de Garde ɲɛɛ laban na, o yira a tigi la.]” Mɛnni kɛ a tigi fɛ. A’ ye o ɲiningali ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
La Tour de Garde 1er mai
“Mɔgɔ caaman b’a fɛ k’a lɔn siniɲasigi be min mara an ye. N’i be miiri siniɲasigi koo la, i hakili siginin lo wala i be siran? [Mɛnni kɛ a tigi fɛ. O kɔ, i ka ɲɛɛ 7nan ka vɛrise kelen kalan.] Ala ye siniko minw fɔ, zurunali nin b’u dɔw yira ani a b’a ɲɛfɔ fɛɛn min kama an be se ka la a la ko u bena kɛ.”
Réveillez-vous ! Mai
“An be baro kɛra ni mɔgɔw ye walisa k’u dɛmɛ u k’u ka haminankow ɲɛnabɔ. E ka miiri la, yala hami be mɔgɔw kan bi ka tɛmɛ fɔlɔ kan wa? [Mɛnni kɛ a tigi fɛ.] Ladili nafaman minw be sɔrɔ Bibulu kɔnɔ, mɔgɔ caaman y’a ye ko u be olu dɛmɛ k’u ka haminankow ɲɛnabɔ. O ladili dɔ filɛ yan. [Matiyo 6:34 kalan.] Zurunali nin b’a ɲɛfɔ cogo min na Bibulu ka ladiliw be se k’an dɛmɛ ka koo naani dɔw ɲɛnabɔ minw ka teli ka hami bila mɔgɔ la.”
I janto: Réveillez-vous ! nin be se ka diya kosɔbɛ jagokɛlaw ni afɛrikɛlaw ye.