‘Aw k’o kumaw to aw dusu la’

Bangebagaw be i n’a fɔ sagadɛndɛlaw. U ka kan k’u janto u deenw na n’o tɛ u be se ka tiɲɛn sira bila ani ka ben kɔrɔbɔli dɔw la joona (Talenw 27:23). Bangebagaw be se k’o kunkanbaara dafa cogo di? Loon o loon, u ka kan ka wagati ta ka kuma n’u deenw ye walisa k’u kɔnɔkow n’u ka miiriyaw lɔn (Talenw 20:5). U fana ka kan k’u deenw dɛmɛ u ka kɛ ni jogo dɔw ye minw bena u ka limaniya sabati ani k’u kisi kɔrɔbɔli gwanniman tuma na (1 Kor. 3:10-15). Videwo nin b’a yira ka gwɛ ko a kɔrɔtanin lo ka gwa kɔnɔ batoli kɛ tuma o tuma: « Ces paroles devront être sur ton cœur. » A’ y’o videwo filɛ ɲɔgɔn fɛ denbaya kɔnɔ. O kɔ, a’ ye basigi ɲiningali nunu kan ka baro kɛ:

1) Mun lo y’a to Roman ka denbaya ka Alako nagasira? 2) Mun lo y’a to balimacɛ Roman ma se ka gwa kɔnɔ batoli kɛ a siɲɛ fɔlɔ la? 3) Bibulu ka sariyakolo juman lo sira tagamani bena bangebagaw dɛmɛ u ka se k’u deenw lamɔ koɲuman? (Deter. 6:6, 7) 4) Mun lo bena denbaya mɔgɔw dɛmɛ u ka se ka kumaɲɔgɔnya kɛ ka ɲɛ? 5) Denmisɛnw b’a fɛ u bangebagaw ka mun lo saraka? 6) Balimacɛ Barrow n’a muso ye nɔɔ ɲuman to Roman ka denbaya kan cogo di? (Talenw 27:17) 7) Gwatigi ka kan ka kɔn ka labɛn juman lo kɛ walisa gwa kɔnɔ batoli ka bɛɛ nafa? 8) Balimacɛ Roman y’a daminɛ cogo di ka yɛlɛmani don a ka denbaya ka koow la? 9) Mun na a kɔrɔtanin lo ka gwa kɔnɔ batoli kɛ tuma o tuma? (Efɛz. 6:4) 10) Gwa kɔnɔ batoli be se ka basigi mun ni mun lo kan? 11) Balimacɛ Roman y’a dusu suma nka a lɔra kelen kan ka Markusi dɛmɛ a k’a faamu ko a kɔrɔtanin lo a ka koɲuman kɛ. Roman sera k’o kɛ cogo di? (Zer. 17:9) 12) Balimacɛ Roman n’a muso ye hakili jagabɔ kɛ ni Erebɛka ye cogo di walisa k’a dɛmɛ a ka desizɔn ɲuman ta Zustin koo la? (Mariki 12:30; 2 Tim. 2:22) 13) Balimacɛ Roman n’a muso y’a yira cogo di k’u limaniyanin lo tuma min na u ye yɛlɛmani don u ka ɲɛnamaya kɛcogo la? (Mat. 6:33) 14) Gwatigiw ka kan k’u ka denbaya mako wasa Alako ta fan fɛ. Videwo nin b’o yira ka gwɛ cogo di? (1 Tim. 5:8) 15) Ele min ye gwatigi ye, i cɛsirinin lo ka mun lo kɛ?

GWATIGIW, A’ YE AW JANTO: An tun ye o dramu filɛ saan 2011, tile saba lajɛnba la. O wagati la, yala i tun y’a ye ko i ka ɲi ka yɛlɛmani don i ka gwa kɔnɔ batoli kɛcogo la wa? Sisan do? N’i ka kan ka yɛlɛmani wɛrɛw kɛ, Jehova deli a k’i dɛmɛ i k’o kɛ walisa i ka denbaya ka duga banbali sɔrɔ.—Efɛz. 5:15-17.