I ka denbaya dɛmɛ a k’a hakili to Jehova la

Cii tun dira Zeremi ma ka Yahutuw lasɔmi halakili nata dɔ koo la sabu u tun ɲinɛna u ka Ala Jehova kɔ (Zer. 13:25). Mun lo tun y’a to u y’u mabɔ ten u ka Ala la? U ka denbayaw lo ka Alako tun nagasira. Jehova tun ye cii min di gwatigiw ma Deteronɔmu 6:5-7 kɔnɔ, a gwɛnin lo k’u tun t’o labato.

Bi, an ka kafow be sabati denbayaw sababu fɛ, minw barika ka bon Alako ta fan fɛ. Gwatigiw ka kan ka gwa kɔnɔ batoli kɛ lɔgɔkun bɛɛ ani ka jija a ka diya. O la, u bena se k’u ka denbaya mɔgɔw dɛmɛ u k’u hakili to Jehova la (Zab. 22:28). A’ ye videwo nin filɛ: “Ne be kuma minw fɔra aw ye . . . aw k’o to aw dusu la”—Denbaya mɔgɔw ka fɛtaw. O kɔ, a’ ye ɲiningali nunu jaabi:

• Koo minw ka teli ka mɔgɔ bali ka gwa kɔnɔ batoli kɛ, denbaya dɔw sera k’u kɛlɛ cogo di?

• Ka gwa kɔnɔ batoli kɛ lɔgɔkun bɛɛ ani ka jija a ka diya, o duga dɔw ye jumanw ye?

• Koo jumanw lo ka teli ka ne bali ka gwa kɔnɔ batoli kɛ? N’ be n’ yɛrɛ labɛn cogo di k’u kɛlɛ?