NAFOLOFƐNW ALA KA KUMA KƆNƆ | ZABURUW 45-51

Jehova tɛna ban dusukasibagatɔ la

Dawuda ye ntalen kuma dɔ mɛn ko nafolotigi dɔ ye fantan dɔ ka sagaden bɔsi a la. O kuma mɛnni y’a to Dawuda dusukun y’a kɛlɛ

Kira Natan ye Dawuda kɔrɔfɔ a ka jurumuba kosɔn ni Batiseba ye. O kɔ le, Dawuda ye Zaburu 51 sɛbɛ. A dusukun y’a kɛlɛ minkɛ, a y’a ka jurumu fɔ Ala ye.—2 Sam. 12:1-14.

Dawuda ye jurumu kɛ, nka a tun be se ka Ala ka teriya sɔrɔ kokura

51:5, 6, 10-14, 19

Yanni a ka nimisa ani k’a ka jurumu fɔ Ala ye, a dusukun y’a kɛlɛ yɛrɛ le.
Komi Ala tun diminin b’a kɔrɔ, o koo y’a tɔɔrɔ fɔɔ a tun be komi u y’a kolow kari kari.
A tun b’a fɛ sɔbɛ la Jehova ka yafa a ma. A fana tun b’a fɛ ka Ala ka teriya sɔrɔ kokura ani ka ninsɔndiya tugun.
A y’a majigi ka Jehova deli ko a k’ale dɛmɛ a ka sɔn ka mɛnni kɛ a fɛ.
A tun lanin b’a la ko Jehova bena yafa a ma.