A Ɲini k’i ka waajuli kɛcogo fisaya: Bibulu kalandenw dɛmɛ u ka ɲɛtaga kɛ walisa k’u yɛrɛkun di Jehova ma ani ka batize

MUN NA A KƆRƆTANIN LO: Ni kalandenw b’a fɛ k’u koo diya Jehova ye, u ka ɲi k’u yɛrɛkun di a ma ani ka batize (1 Piyɛri 3:21). O kɔ, minw be ɲɛnamaya kɛ ka kɛɲɛ n’u ka yɛrɛkundili ye, olu be tangali sɔrɔ Alako ta fan fɛ (Zab. 91:1, 2). Kerecɛn b’a yɛrɛkun di Jehova lo ma. A t’a yɛrɛkun di adamaden, baara wala jɛnkulu dɔ ma. O kama, kalanden ka ɲi k’a ɲini ka Ala kanu ani k’a waleɲuman lɔn.—Ɔrɔm. 14:7, 8.

A KƐCOGO:

• Kalan kɛtɔ, a yira o kalan be min fɔ Jehova koo la. Sinsin a kan ko an ka ɲi ka Bibulu kalan loon o loon ani ka delili kɛ tuma o tuma. —1 Tes. 5:17; Zaki 4:8.

• Kalanden jija a k’a laɲini k’a yɛrɛkun di ani ka batize. Walisa a ka se k’o kɛ, a dɛmɛ ka laɲinita wɛrɛw dafa i n’a fɔ ka lakalitaw kɛ lajɛnw na, ka seereya kɛ a sigiɲɔgɔnw wala a baarakɛɲɔgɔnw ye. A to i hakili la ko Jehova tɛ mɔgɔ waajibiya ka baara kɛ a ye. Kalanden lo ka ɲi k’a latigɛ k’a yɛrɛkun di Jehova ma.—Deter. 30:19, 20.

• Kalanden ka kan ka yɛlɛmani minw kɛ, a jija a k’u kɛ walisa k’a koo diya Jehova ye ani ka batɛmu ka saratiw dafa (Talenw 27:11). Sɔɔn kɔrɔw ani delinanko jugu dɔw be se ka kɛ mɔgɔ la. O kama, n’a sɔrɔ kalanden mako b’a la an ka to k’a dɛmɛ a ka jogo kɔrɔw dabila ani ka jogo kuraw ta (Efɛz. 4:22-24). Barokun dɔ be to ka bɔ la Tour De Garde kɔnɔ ko: “La Bible transforme des vies.” O barokun kɔnɔkow lakali a ye.

• I ye ninsɔndiya min sɔrɔ Jehova ka baara la, o fɔ kalanden ye. —Ezayi 48:17, 18.