NAFOLOFƐNW ALA KA KUMA KƆNƆ | TALENW 1-6

I jigi la Jehova kan n’i dusukun bɛɛ ye

Bibulu sɛbɛwagati la ka cɛɛ dɔ be delili kɛra

A bɛnnin lo an k’an jigi bɛɛ la Jehova kan. A tɔgɔ kɔrɔ yɛrɛ b’a to an lanin b’a la ko see b’a ye k’a ka layiduw bɛɛ dafa. Delili be se k’an dɛmɛ kosɔbɛ walisa an ka to k’an jigi la Jehova kan. Talenw sapitiri 3 b’an hakili sigi ko n’an b’an jigi la Jehova kan, a bena an ka “sira gwɛya.”

Mɔgɔ min b’a yɛrɛ jati hakilitigi ye . . .

3:5-7

a t’a ɲini ka Jehova ka miiriya lɔn ka sɔrɔ ka koow latigɛ.
a b’a jigi la a yɛrɛ wala duniɲa mɔgɔw ka miiriya lo kan.

Mɔgɔ min b’a jigi la Jehova kan . . .

a be jɛnɲɔgɔnya teriman sigi ni Jehova ye koo nunu sababu fɛ: a be Bibulu sɛgɛsɛgɛ, a be miiri Jehova koo la ani a be delili kɛ.
n’a be koow latigɛ, a be Jehova ka dɛmɛ ɲini a kɛtɔ ka Bibulu ka miiriyaw sɛgɛsɛgɛ.

**JUMAN LO BƐNIN BE E KA KOOW LATIGƐCOGO MA?**
FƆLƆ: Fɛɛn min bɛnnin lo ne ɲɛɛ na n’ b’o lo latigɛ.	FƆLƆ: N’ be Jehova ka dɛmɛ ɲini delili ni kelenna kalan sababu fɛ.
FILANAN: N’ be Jehova deli a k’a kɛ n’ ka koo latigɛnin ka ɲɛ.	FILANAN: N’ be koow latigɛ ka kɛɲɛ ni Bibulu ka miiriyaw ye.