“Ne filɛ nin ye. Ne ci”

Ezayi ka yɛrɛ labila miiriya ye ɲɛyirali ɲuman ye. A limaniyara ani a sinna k’a yɛrɛ di hali k’a sɔrɔ a tun tɛ koo bɛɛ kala ma (Ezayi 6:8). Yala i be se ka labɛn kɛ walisa ka taga waajuli kɛ yɔrɔ min na Masaya weleweledalaw man ca wa? (Zab. 110:3). Tiɲɛn na, i ka kan ka jatiminɛ kɛ o koo la (Luka 14:27, 28). Nka, fɔɔ i ka sɔn k’i yɛrɛ saraka walisa k’i seen don bɛrɛbɛrɛ waajuli baara la (Mat. 8:20; Mariki 10:28-30). An bena duga minw sɔrɔ Jehova ka baara la, o tɛmɛna yɛrɛ saraka sugu bɛɛ kan. Videwo nin b’o yira an na ka gwɛ: Taga dɛmɛ don yɔrɔ min na weleweledalaw man ca.

VIDEWO FILƐNIN KƆ, ƝININGALI NUNU JAABI:

• William ka somɔgɔw ye yɛrɛ saraka juman lo kɛ walisa ka taga waajuli baara kɛ Ekuwatɛri jamana na?

• U ye jatiminɛ juman lo kɛ k’a sɔrɔ k’u tagayɔrɔ sugandi?

• U ye duga jumanw lo sɔrɔ o la?

• Ka taga dɛmɛ don yɔrɔ min na weleweledalaw man ca, i be se ka kunnafoni wɛrɛw sɔrɔ min o koo la?

GWA KƆNƆ BATOLI NATA LA, A’ YE BARO KƐ ƝININGALI NUNU KAN:

• An ka denbaya be se ka dɔ fara an ka waajuli baara kan cogo di? (km 8/11 4-6).

• N’an tɛ se ka taga dɛmɛ don yɔrɔ wɛrɛ, an be se k’an ka kafo dɛmɛ cogo di? (w16-F.03 23-25).