KERECƐNW KA ƝƐNAMAYA

I deenw dɛmɛ u ka kɛ ni limaniya barikaman ye Danbaga koo la

Jehova ka danfɛnw b’a ka nɔɔrɔ yira (Zab. 19:2-5; 139:14). Nka Sutana ka duniɲa be miiriya minw jɛnsɛn ɲɛnamaya daminɛcogo koo la, u be Ala tɔgɔ tiɲɛ (Ɔrɔm. 1:18-25). I be se ka mun kɛ walisa o miiriyaw kana don u kuun n’u dusukun na? U dɛmɛ kabini u denmisɛnman, u ka la a la ko Jehova be yen ani ko a b’a janto u kelen kelen bɛɛ la (2 Kor. 10:4, 5; Efɛz. 6:16). U b’u kalan fɛɛn minw na lakɔliso, a ɲini k’u ka miiriya lɔn o la. Fɛɛn caaman minw labɛnna ka denmisɛnw dɛmɛ, baara kɛ n’u ye k’u dusukun sɔrɔ.—Talenw 20:5; Zaki 1:19.

Faa dɔ b’a deenw kalanna danfɛnw koo la. U be lakɔlidenw kalanna ko bɛgɛnw lo yɛlɛmana ka kɛ mɔgɔw ye. I filankuruw be min miiri: Ka la a la ko Ala be yen

I FILANKURUW BE MIN MIIRI: KA LA A LA KO ALA BE YEN. O VIDEWO YIRA, O KƆ, A’ YE ƝININGALI NUNU LAJƐ:

Mɔgɔw lanin be ngalon miiriya juman le la Ala koo la?
U b’i kalan mun lo la lakɔliso?
Mun lo b’i lasun ka la a la ko Jehova be yen?
I be se ka mɔgɔ dɛmɛ cogo di a k’a faamu ko Ala lo ye fɛɛn bɛɛ dan?