Baara kɛ ni jw.org ye waajuli la

Jw.org ye fɛɛrɛ ɲuman ye min b’an dɛmɛ ka kibaro diiman jɛnsɛn “diɲɛ faan bɛɛ la.” (Kɛw. 1:8). Mɔgɔw fanba tɛ se ka jw.org sɔrɔ u yɛrɛ ma, fɔɔ weleweledala dɔ lo k’a sɔrɔcogo yira u la.

Kɔrɔsibaga tagamakɛla dɔ ye an ka videwo nin telesarse ka don a ka telefɔni na: Mun na i ka ɲi ka bibulukalan kɛ? A mana sababu sɔrɔ dɔrɔn, a b’a yira mɔgɔw la. Waajuli kɛtɔ soo ni soo, a b’a fɔ ko: “Ne be mɔgɔw dɛmɛna u ka ɲiningali jɔnjɔn saba nunu ka jaabili sɔrɔ: Mun na gwɛlɛyaw ka ca ten duniɲa kɔnɔ? Ala bena u ɲɛnabɔ cogo di? An be se ka mun lo kɛ sanni o cɛ? Videwo surun nin b’o ɲiningaliw jaabi.” O kɔ, a be videwo bila a la, ani a b’a tigi ɲɛda kɔrɔsi. Videwo nin ka di kosɔbɛ fɔɔ mɔgɔw fanba tɛ u ɲɛɛ bɔ a kan n’a ma ban. A banni kɔ, kɔrɔsibaga tagamakɛla b’a fɔ ko: “E yɛrɛ y’a mɛn ko i be se k’a ɲini ɛntɛrɛnɛti kan ko mɔgɔ dɔ ka na bibulukalan kɛ n’i ye. Nka komi ne be yan kelen, ne be se k’o kalan kɛcogo yira i la dɔɔni.” N’a tigi sɔnna, balimacɛ be kalan kɛcogo yira a la kitabunin Kibaro diiman kɔnɔ. Ni wagati t’a tigi fɛ, balimacɛ be labɛn kɛ walisa ka segi ka na kɔfɛ. N’a tagara kafe minyɔrɔ dɔ la walisa ka lafiɲɛ dɔɔni, mɔgɔ min siginin b’a gɛrɛfɛ, a be baro daminɛ n’o tigi ye teriya la ani a b’o kuma kelen lo fɔ a tigi ye. Yala i be baara kɛra ni jw.org ye waajuli la wa?