A ɲini k’i ka waajuli kɛcogo fisaya: Waajuli kɛ kiinmɔgɔw bɛɛ ye

MUN NA A KƆRƆTANIN LO: Zakari tun kɔnna k’a fɔ ko siyaw bɛɛ mɔgɔw tun bena sɔn kibaro diiman la (Zak. 8:23). Nka, jɔn lo bena u kalan? (Ɔrɔm. 10:13-15). Nɛɛma ani kunkanbaara dira an ma ka kibaro diiman fɔ mɔgɔ sifaw bɛɛ ye an ka kiinw kɔnɔ.—od-F 84 § 10-11.

A KƐCOGO:

• I yɛrɛ labɛn. Yala i be mɔgɔ dɔw kunbɛn minw be kaan wɛrɛ fɔ wa? I be se ka baara kɛ ni JW Language ye walisa ka yiracogo nɔgɔman dɔ degi. Wala i be se k’a yira a tigi la telefɔni wala tablɛti fɛ cogo min na a be se ka kunnafoniw sɔrɔ a ka kaan na jw.org kan.

• Kɔrɔsili kɛ. N’i be waajuli kɛra soo ni soo, i be sababu minw sɔrɔ ka tɛmɛbagaw wala garimɔgɔw waaju, kana a to u ka tɛmɛ. N’i be waajuli kɛ jamayɔrɔw la, kana ɲinɛ i bɔkun kɔ: ka seereya kɛ.

• I sɔbɛ don. Minw tɛ yen u ka soo, a filɛ i bena u sɔrɔ cogo min na. I jija ka kuma mɔgɔ dɔ fɛ soo kelen kelen bɛɛ la. N’a sɔrɔ i be se ka taga bɔ u ye wagati wɛrɛ wala loon wɛrɛ, o lɔgɔkun kelen kɔnɔ. N’a sɔrɔ fana i bena se ka seereya kɛ dɔw ye n’i ye lɛtɛrɛ dɔ ci u ma, n’i y’u weele telefɔni na wala n’i be seereya kɛra sirada la.

• Viziti kuraw kɛ. Mɔgɔ o mɔgɔ y’a mako don dɔrɔn, taga bɔ a ye, kana koow bila ka suma. N’o tigi be kaan wɛrɛ lo fɔ, mɔgɔ dɔ yaala min be se k’a dɛmɛ a ka kaan na. Yanni o cɛ, i ka ɲi ka to ka taga bɔ a ye.—od-F 94 § 39-40.

VIDEWO NIN FILƐ: WAAJULI BAARA BE KƐRA “FƆƆ KA TAGA SE DIƝƐ FAAN BƐƐ LA.” O KƆ, ƝININGALI NUNU JAABI:

• 

  Balimaw ye labɛn jumanw lo kɛ walisa ka taga kibaro diiman fɔ mɔgɔw ye minw be fɔɔ yɔrɔjan? (1 Kor. 9:22, 23).

• 

  U ye gwɛlɛya jumanw lo sɔrɔ?

• 

  U ye duga jumanw lo sɔrɔ?

• I be se ka jijali jumanw lo kɛ walisa ka kibaro diiman fɔ mɔgɔ caaman ye i ka kiin kɔnɔ?