Yezu ye dumuni di mɔgɔ caaman ma mɔgɔ damanin sababu fɛ

Saan 32 ka tɛmɛnkan seli ɲɛ, Yezu ye kabako dɔ kɛ. Yezu ka kabakow bɛɛ la, ale dɔrɔn lo be sɔrɔ Evanzili naani kelen kelen bɛɛ kɔnɔ.

Yezu ye koow kɛ cogo min na, a b’o ɲɔgɔn le kɛ bi fana.

14:16-21

• Yezu y’a fɔ a ka kalandenw ye k’u ka dumuni di jama ma, hali ni burukun duuru ani jɛgɛ deen fila dɔrɔn lo tun b’u fɛ.

• Yezu ye burukun duuru ni jɛgɛ deen fila nunu ta ani a ye barika la Ala ye. O kɔ, a y’u di a ka kalandenw ma, kalandenw y’u tilan jama cɛ.

• Kabako! U ye dumuni kɛ ka fa fɔɔ a tɔɔ tora. Yezu ye dumuni di mɔgɔ waa caaman ma mɔgɔ damanin sababu fɛ, o minw y’a ka kalandenw ye.

  

• Yezu tun y’a fɔ ko laban loonw na, a tun bena dumuni di a ka kalandenw ma Alako ta fan fɛ mɔgɔ dɔw sababu fɛ, “waati latigɛlen na.”—Mat. 24:45, Bible senuma.

• Saan 1919 la, Yezu ye “jɔnkɛ dannamɔgɔ hakiliman” (kerecɛn mɔlenw jɛnkulu dennin) sigi a ka “jɔɔw” kunna (dumuni be di minw ma).

• Yezu ye koow kɛ cogo min na saan kɛmɛkulu fɔlɔ la, a b’o ɲɔgɔn lo kɛra o kerecɛn mɔlenw jɛnkulu dennin sababu fɛ.

N’ be se k’a yira cogo di ko n’ sɔnna a ma ko Yezu be tɛmɛ jɔncɛ dannamɔgɔ hakiliman lo fɛ walisa ka dumuni di mɔgɔw ma Alako ta fan fɛ ani ko n’ b’a bonya?