Yezu be mɔgɔ dɔ kɛnɛya lafiɲɛlon na

3:1-5

Mun na Yezu dusu kasinin tun lo Yahutu diinan kuntigiw ka dusukun gwɛlɛya kosɔn? Sabu u ye sariyaw sigi lafiɲɛlon koo la, kuun tɛ minw na. O cogo la, u ye lafiɲɛlon koo gwɛlɛya mɔgɔw kun. Ɲɛyirali fɛ, a tun daganin tɛ ka tɛtɛ faga lafiɲɛlon na. I tɛ se ka mɔgɔ kɛnɛya, fɔɔ n’a tigi niin be farati la. O kɔrɔ ko ni mɔgɔ dɔ kolo dɔ karila, wala n’a tigi mandimina, u tun tɛ se k’a furakɛ lafiɲɛlon na. Cɛɛ min bolo tun faganin lo, a gwɛnin lo ko diinan kuntigiw tun t’u mako don a la.