Aw ye aw hakili to Lɔti muso ka koo la

Lɔti muso bolitɔ ka bɔ Sodɔmu, mun na a ye filɛri kɛ a kɔfɛ? Bibulu ma foyi fɔ o koo la (Zɛnɛzi 19:17, 26). Yezu ye min fɔ ka kɔn o lasɔmini kuma ɲɛ, o b’a yira ko Lɔti muso ye bololafɛn minw to a kɔ, n’a sɔrɔ a tun be nimisara olu lo la (Luka 17:31, 32). Lɔti muso bɔnɛna Ala ka teriya la. An be se ka mun lo kɛ walisa o ɲɔgɔn kana an sɔrɔ? An man kan k’a to bololafɛnw ɲinini ka kɛ an ɲɛnako fɔlɔ ye (Mat. 6:33). Yezu y’a fɔ ko an “tɛ se ka kɛ Ala ta jɔnw ye, ka kɛ wari fana ta jɔnw ye.” (Mat. 6:24, Ala ta Kuma). Nka, an ka ɲi ka mun lo kɛ n’an y’a kɔrɔsi ko bololafɛnw y’a daminɛ k’an ka Alakow nagasi do? An be se ka Jehova deli a ka hakilitigiya di an ma walisa an k’a lɔn an ka ɲi ka yɛlɛmani minw kɛ. An k’a deli fana a ka fanga ni jagwɛlɛya di an ma walisa an ka se k’o yɛlɛmaniw kɛ.

I HAKILI JIGI VIDEWO NIN TILANYƆRƆ SABA BƐƐ LA: AW YE AW HAKILI TO LƆTI MUSO KA KOO LA. O KƆ, ƝININGALI NUNU JAABI:

• 

  U tun be Gloriya lasunna a ka wari caaman ɲini. O koo y’a to a y’a daminɛ ka miiri, ka kuma ani ka koow kɛ cogo di?

• Lɔti muso ka koo b’an lasɔmi mun lo la bi?

• Bibulu ka sariyakolow sira tagamani ye Jo n’a denbaya dɛmɛ cogo di?

• Anna ka baarakɛɲɔgɔnw ye nɔɔ juman lo to a kan Alako ta fan fɛ?

• Mun na an mako be jagwɛlɛya la n’u b’an lasunna ka wariko kɛ an ɲɛnako fɔlɔ ye?

• Brian ni Gloriya ye yɛlɛmani jumanw lo kɛ walisa ka se ka Alakow kɛ u ɲɛnako fɔlɔ ye tugun?

• Bibulu ka sariyakolo jumanw lo bɔra kɛnɛ kan videwo nin na?