A ɲini k’i ka waajuli kɛcogo fisaya: Baarakɛcogo ni JW.ORG ye

MUN NA A KƆRƆTANIN LO: An ka kalankɛ gafew kelen kelen bɛɛ be mɔgɔw ɲɛsin jw.org ma. Sɛbɛ fila nunu kuun jɔnjɔn ye ka mɔgɔw ɲɛsin an ka site web ma. O sɛbɛw ye: Ɲiningali minw be mɔgɔ dabali ban, olu jaabiliw be sɔrɔ min? ani JW.ORG ka ladɛrɛsi sɛbɛ. I be se ka tɛmɛ jw.org fɛ k’an ka kalankɛ gafe dɔ ci mɔgɔ dɔ ma ɛntɛrɛnɛti kan. O gafe be sɔrɔ yɔrɔ min na jw.org kan, i be se fana k’o ladɛrɛsi ci a tigi ma. Nafa b’o la sanko n’an be mɔgɔ dɔ waajura min be kaan wɛrɛ fɔ. Ka fara o kan, mɔgɔw be se ka ɲiningali dɔw kɛ an ye ani u jaabili tɛ sɔrɔ an ka kalankɛ gafe si kɔnɔ. N’an be baarakɛcogo lɔn ni jw.org ye, an ka waajuli kɛcogo bena fisaya.

A KƐCOGO:

• 

  “LA BIBLE ET VOUS.” N’i be bangebaga dɔ waajura ani a be kunnafoniw fɛ deen lamɔcogo koo la, yɔrɔ nin lajɛ jw.org kan: LA BIBLE ET VOUS > COUPLES & FAMILLES.

• “GAFEW.” N’i be waajuli kɛra sababu dɔ sen fɛ lakɔli la, i be se ka sɛbɛ nin ci i ka lakɔli filankuru dɔ ma: Ɲiningali 10 ka jaabiliw kanbelew ni sunguruw ye. O la, yɔrɔ nin lajɛ jw.org kan: GAFEW > GAFEW NI KITABUNINW.

• “QUI SOMMES-NOUS ?” N’i b’i ka baarakɛɲɔgɔn dɔ waajura ani a be kunnafoni dɔ fɛ an ka lanaya koo la, yɔrɔ nin lajɛ jw.org kan: QUI SOMMES-NOUS > QUESTIONS FRÉQUENTES.

VIDEWO NIN FILƐ: BAARAKƐCOGO NI JW.ORG YE. O KƆ, A FILƐ I BE SE KA BASIGI JW.ORG YƆRƆ MIN KAN KA MƆGƆ SIFA NUNU DƐMƐ:

• minw ko Ala tɛ yen

• balawo ye mɔgɔ min sɔrɔ a ma mɛɛn

• balima min sumana Alako ta fan fɛ

• makodon mɔgɔ min b’a fɛ k’a lɔn an ka baaraw musakaw be sara cogo min na

• jamana wɛrɛ mɔgɔ min b’a fɛ ka taga an ka lajɛn dɔ la a ka jamana na