A ɲini k’i ka waajuli kɛcogo fisaya: Mɔgɔ minw tɛ ɲɛtaga kɛra, u ka bibulukalan lalɔ

MUN NA A KƆRƆTANIN LO: Mɔgɔw ka kan ka Jehova tɔgɔ weele walisa ka kisi (Ɔrɔm. 10:13, 14). Nka, minw be sɔn ka bibulukalan kɛ, u bɛɛ lo tɛ sɔn ka Bibulu ka sariyakolow sira tagama. Wagati min b’an bolo ka waajuli kɛ, an b’an janto ka baara kɛ cogo fisaman na n’o ye: o kɔrɔ, ka mɔgɔw dɛmɛ minw b’a fɛ sɔbɛ la ka yɛlɛmaniw kɛ walisa k’u koo diya Jehova ye. N’i ye wagati caaman kɛ ni Bibulu kalanden dɔ ye nka a ma ɲɛtaga kɛ ten, a ka fisa i k’a ka bibulukalan lalɔ. Ani o kɔ, Jehova be mɔgɔ minw samana ka na a ka ɔriganisasiyɔn kɔnɔ, a ɲini k’olu lo dɛmɛ (Zan 6:44). Nka ni o tigi nana yɛlɛmaniw kɛ kɔfɛ ani k’a yira ko a labɛnnin lo ka sɔn ɲɛnamaya banbali la, an ninsɔn ka di ka bibulukalan kɛ n’a ye kokura.—Kɛw. 13:48.

A KƐCOGO:

• O Bibulu kalanden tando sabu a b’a fɛ ka lɔnniya sɔbɛ sɔrɔ.—1 Tim. 2:4.

• A yira ka gwɛ fɛɛn min kama a kɔrɔtanin lo a ka koow kɛ ka kɛɲɛ n’o lɔnniya ye.—Luka 6:46-49.

• Yezu ye ntalen min la sɛnɛkɛla koo la, baro kɛ n’a ye o koo la ani a ɲininga fɛɛn min b’a bali ka ɲɛtaga kɛ.—Mat. 13:18-23.

• A ɲɛfɔ a ye nɛmɛnɛmɛ fɛɛn min kama i b’a fɛ k’a ka kalan lalɔ.

• A fɔ a ye ko i bena to ka na bɔ a ye tuma kelen kelen walisa k’a jija ani ko n’a nana yɛlɛmaniw kɛ kɔfɛ, aw be se ka bibulukalan kɛ kokura.

O VIDEWO FILƐ ANI O KƆ, ƝININGALI NUNU JAABI:

• Mun lo b’a yira o videwo la k’o Bibulu kalanden tɛ ɲɛtaga kɛra Alako ta fan fɛ?

• Weleweledala nin y’a dɛmɛ cogo di k’a faamu ko a ka kan ka yɛlɛmaniw kɛ?

• Weleweledala nin ye mun lo kɛ walisa k’a yira ko ale yɛrɛ b’a fɛ ka bibulukalan kɛ n’a ye kokura n’a labɛnnin lo o kama?