A ɲini ka nafa sɔrɔ kosɔbɛ i ka kelenna kalan na

MUN NA A KƆRƆTANIN LO: N’an be basigi Ala ka Kuma kan ka kelenna kalan kɛ, o b’an dɛmɛ ka tiɲɛn kalanw ka “bonya,” u “janya,” ani u “dunya” faamu ka ɲɛ (Efɛz. 3:18, Biblu Ala ta Kuma). O kalan b’an dɛmɛ fana an ka kɛ mɔgɔ jalakibaliw ni mɔgɔ senumanw ye duniɲa juguman nin na, ani an masirinin ka to Ala ka Kuma na (Filip. 2:15, 16). An yɛrɛ mako be min na tigitigi Alako ta fan fɛ, an be se ka sɛgɛsɛgɛri kɛ o kan an ka kelenna kalan tuma na. An be wagati min ta ka Bibulu kalan ani ka sɛgɛsɛgɛri kɛ a kan, an be se ka mun kɛ walisa o k’an nafa kosɔbɛ?

A KƐCOGO:

• Vɛrisew kɔrɔ ci ani kunnafoni dɔw sɛbɛ u koo la i ka Bibulu kɔnɔ (tablɛti wala papiye kan).

• Bibulu yɔrɔ dɔ kalantɔ, i yɛrɛ ɲininga ko: “Mun na? Mun? Tuma juman? Jɔn? Yɔrɔ juman? Cogo juman na?”

• Baara kɛ n’an ka sɛgɛsɛgɛrikɛ minanw ye walisa ka sɛgɛsɛgɛri kɛ barokun dɔ wala bibulusen dɔ koo la. O bena i dɛmɛ ka koow faamu ka ɲɛ.

• I ye min kalan, miiri o kan walisa k’a faamu cogo min na o ɲɛsinna i ma.

• I ye min faamu, i k’o sira tagama loon o loon i ka ɲɛnamaya la.—Luka 6:47, 48.

VIDEWO NIN FILƐ: LƆ KELEN KAN KELENNA KALAN ƝUMAN SABABU FƐ. O KƆ, ƝININGALI NUNU JAABI:

• Balima dɔw fɛ, kelenna kalan ye mun lo ye?

• Mun na a kɔrɔtanin lo ka kelenna kalan daminɛ ni delili ye?

• Mun lo be se k’an dɛmɛ ka bibulusen dɔw faamu ka ɲɛ?

• An b’an ka kelenna kalan kɛ Bibulu min kɔnɔ, an be se ka tagamasiɲɛ jumanw lo la a kɔnɔ?

• N’an be Ala ka Kuma kalanna, mun na a kɔrɔtanin lo an ka miiri a kan?

• An ye min kalan, an ka ɲi ka mun lo kɛ n’o ye?