I be se ka kalan jumanw lo sɔrɔ dɔnkili diimanw koo la?

Dɔnkili diiman jumanw lo ka di i ye kosɔbɛ? Mun na u ka d’i ye do? Yala i b’a miiri ko u be kuma an ka loon o loon koow lo la wa? Barokunw ka ca ani mizikiw cogo tɛ kelen ye. O b’a to bɛɛ b’a ninyɔrɔ sɔrɔ. A mana kɛ min o min ye, dɔnkili diimanw ani miziki ni videwow t’an ɲɛnagwɛ dɔrɔn.

Dɔnkili diiman kelen kelen bɛɛ b’an kalan koo nafaman dɔw la an be se ka minw sira tagama an ka ɲɛnamaya la ani waajuli baara la. Dɔnkili dɔw be sinsin mɔgɔw ladonko, an ka kelenya, teriya, jagwɛlɛya, kanuya wala limaniya koo la. Dɔ wɛrɛw be mɔgɔw jija u ka kɔsegi Jehova ma, u k’a yira k’u be yafa, u ka to kantigiya la, ani u ka laɲinitaw latigɛ u yɛrɛ ye Alako ta fan fɛ. Dɔnkili diiman dɔ yɛrɛ be kuma k’a yira ko an ka ɲi ka baara kɛ n’an ka telefɔni ye k’a dama kɛɲɛ. I ye kalan nafaman wɛrɛ jumanw lo sɔrɔ dɔnkili diimanw na?

DƆNKILI DIIMAN NIN KA VIDEWO FILƐ: JUSTE À NOTRE PORTE (ALIJƐNƐ B’AN KA DAA LA). O KƆ, ƝININGALI NUNU JAABI:

• Furucɛ nin n’a muso be miirila duga nata juman lo koo la? ​—Zɛnɛzi 12:3.

• See be Jehova ye k’a ka layiduw dafa. An be se k’an ka limaniya barika bonya o koo la cogo di?

• Mun lo bena kɛ ninsɔndiyako ye yanni dɔɔni?

• An be ni jigiya min ye Ala ka Masaya koo la, o b’an dɛmɛ cogo di ka gwɛlɛyaw muɲu kabini sisan?​—Ɔrɔm. 8:25.