I be se ka kalan kɛ koo minw kan

Ala “tanuli dɔnkiliw” degi i kunfɛ

“Ni n’ b’a jati ko nafa foyi tɛ n’ na, Jehova be n’jija JW Telewisɔn ka dɔnkiliw sababu fɛ.”—Lorraine, Etazini.

Kabi wagatijan, kerecɛnw be Ala tando ni “tanuli dɔnkiliw” ye (Kɔlɔs. 3:16, Bible senuma). N’i y’o dɔnkiliw degi i kunfɛ, u bena i dɛmɛ hali n’i ka dɔnkili gafe, i ka telefɔni wala tablɛti t’i bolo kɔrɔ. Ladili damanin filɛ nin ye walisa k’i dɛmɛ k’u degi i kunfɛ:

• Dɔnkili kɔnɔkumaw kalan koɲuman walisa k’u kɔrɔ faamu. N’i ye fɛɛn dɔ faamu, a ka nɔgɔ k’i hakili to a la. An ka dɔnkiliw bɛɛ kɔnɔkumaw be sɔrɔ jw.org kan, hali an ka dɔnkili diimanw ani denmisɛnw ka dɔnkiliw. Taga yɔrɔ nin na: “Biblotɛki” o kɔ, “Fɔlikan.”

• Dɔnkiliw kɔnɔkumaw sɛbɛ i yɛrɛ ma. O bena kɛ sababu ye, o dɔnkiliw be to i hakili la kosɔbɛ.—Deter. 17:18.

• To k’u la ni kaanba ye. Dɔnkili kɔnɔkumaw kalan wala a la siɲɛ caaman.

• A filɛ n’i hakili b’a la. Kana dɔnkili kɔnɔkumaw filɛ, nka a ɲini k’i hakili jigi u la. O kɔ, a filɛ n’o lo.