A ɲini k’i ka waajuli kɛcogo fisaya: Seereya kɛ fiyentɔw ye

MUN NA A KƆRƆTANIN LO: Fiyentɔ caaman be sigasiga ka kuma ni lonanw ye. O kama, an ka ɲi ka se u waajucogo la. Jehova b’a janto fiyentɔw la ni kanuya ye (Lev. 19:14). An be se k’a ladegi n’an b’a ɲini k’u dɛmɛ u ka Jehova lɔn.

A KƐCOGO:

• An ka fiyentɔw “yɔrɔ ɲini.” (Mat. 10:11). I be mɔgɔ dɔ lɔn min somɔgɔ dɔ ye fiyentɔ ye wa? Aw ka kafo ka kiinw kɔnɔ, yala lakɔliso, dɔgɔtɔrɔso wala yɔrɔ wɛrɛ be yen minw na fiyentɔw ka gafew bena diya mɔgɔw ye wa?

• I mako don u la. N’i be fiyentɔ minɛ teriya la ani n’i b’i mako don a la sɔbɛ la, o b’a hakili sigi. Baro daminɛ n’a ye koo dɔ kan mɔgɔw ka teli k’u mako don min na aw ka kiin kɔnɔ.

• U dɛmɛ u ka Jehova lɔn. Minw ye fiyentɔw ye wala minw tɛ yeli kɛ ka ɲɛ, Jehova ka ɔriganisasiyɔn ye sɛbɛ sifa caaman dilan walisa k’u dɛmɛ. O ɲɔgɔnna mɔgɔ ɲininga an ka sɛbɛ sifa min bena diya a ye. Ni fiyentɔ dɔ b’an ka gafe sifa dɔ fɛ, waajuli baara kɔrɔsibaga ka ɲi k’a janto ko gafekow ɲɛnabɔla y’o komandi kɛ.