“Ne bena min kɛ Ezipiti masacɛ la, i bena o ye sisan”

6:1, 6, 7; 7:4, 5

Jehova kɔnna k’a fɔ Israɛldenw ye ale bena min kɛ ka sɔrɔ ka tɔɔrɔ tan lase Ezipiti jamana ma ani ka Israɛldenw bɔ jɔnya la. Jehova tun bena a ka fanga yira u la cogo kabakoman dɔ la u tun ma deli ka min ye ka ye ani siga t’a la, Ezipitikaw tun bena a lɔn Jehova ye Ala min ye. Tuma min na Ala ka layiduw dafara, o ye Israɛldenw ka limaniya barika bonya ani o y’u dɛmɛ ka Ezipiti jamana ka ngalon diinanw ka koo caaman dabila.

O maana b’i dɛmɛ cogo di ka la a la ko Jehova ye layidu minw ta siniɲasigi koo la, u bɛɛ bena dafa?