I janto i kana ngalon kumaw jɛnsɛn

Bi bi nin na, kunnafoniw be se ka ci joona joona mɔgɔ miliyɔn caaman ma sɛbɛ, arajo, telewisɔn ani ɛntɛrɛnɛti sababu fɛ. Minw be ‘Tiɲɛntigi Ala’ bato, olu t’a fɛ ka kunnafoniw jɛnsɛn minw tɛ tiɲɛn ye, hali n’u m’a dabɔ a kama (Zab. 31:6; Ɛkiz. 23:1). N’an ye ngalon kumaw jɛnsɛn, o be se ka mɔgɔ mako sa kosɔbɛ. N’i b’a ɲinina k’a lɔn ni koo dɔ ye tiɲɛn ye, i yɛrɛ ɲininga ko:

• “Yala o kuma fɔbaga ye tiɲɛnfɔla ye wa?” N’a sɔrɔ o tigi tɛ koo bɛɛ kala ma. Ni dɔ ye kuma dɔ mɛn k’o lakali mɔgɔ wɛrɛ ye, o kuma ka teli ka yɛlɛma. O kama, n’i ye kunnafoni dɔ mɛn, i yɛrɛ kɔrɔsi n’i t’a bɔyɔrɔ lɔn. Minw be ni nɛɛma baaraw ye kafo kɔnɔ, u be min fɔ, tɔɔw b’o jati sɔbɛko ye. O kama, u ka ɲi k’u yɛrɛ kɔrɔsi u kana kunnafoni dɔ jɛnsɛn n’u lanin t’a la ko tiɲɛn lo.

• “O kuma be mɔgɔ tɔgɔ tiɲɛ wa?” N’a be mɔgɔ dɔ wala jɛnkulu dɔ tɔgɔ tiɲɛ, a ka fisa i kana o fɔ mɔgɔ wɛrɛ ye.—Talenw 18:8; Filip. 4:8.

• “O koo be se ka kɛ tiɲɛn na wa?” I yɛrɛ kɔrɔsi ni maana wala wale dɔ be lakalila min be mɔgɔ kabakoya kojugu!

VIDEWO NIN FILƐ: N’ BE SE KA MUN LO KƐ WALISA NAFIGIYA KUMAW KANA JƐNSƐN? O KƆ, ƝININGALI NUNU JAABI:

• 

  Ka kɛɲɛ ni Talenw 12:18 ye, an ka kumaw be se ka koo jugu juman lo kɛ mɔgɔ la?

• 

  Filipikaw 2:4 b’an dɛmɛ cogo di an kana koow dama tɛmɛ n’an be kumana mɔgɔ dɔ koo la?

• 

  Ni dɔ y’a daminɛ ka kumajugu fɔ tɔɔw koo la wala k’u lɔgɔbɔ, an ka ɲi ka mun lo kɛ?

• 

  An ka ɲi k’an yɛrɛ ɲininga mun lo la ka sɔrɔ k’a daminɛ ka kuma tɔɔw koo la?