I b’a fɛ ka demandi kɛ ka taga Masaya waajulikɛlaw ka lakɔli kɛ wa?

Yala i sanda be 23 ni 65 cɛ ani i be kudayi cidenya baara la wa? Yala i ka kɛnɛyako ka ɲi, ani i be se ka taga dɛmɛ don yɔrɔ minw na weleweledalaw man ca wa? N’i ko ɔnhɔn, yala i miirila k’a filɛ n’i be se ka taga Masaya waajulikɛlaw ka lakɔli kɛ wa? Kabi o lakɔli daminɛna, furuɲɔgɔnmaw, cɛgwanaw ni musogwana waa caaman ye demandi dafa k’o lakɔli kɛ. Nka an mako b’a la cɛgwanaw ni musogwana caaman wɛrɛw ka demandi dafa. Jehova deli a k’i dɛmɛ i k’a ɲini k’i koo diya a ye kosɔbɛ, ani k’a Dencɛ ladegi (Zab. 40:8; Mat. 20:28; Eburuw 10:7). Yala kunkanbaara b’i fɛ denbaya kɔnɔ, baara kɛyɔrɔ la, wala juru b’i kan wa? N’o lo, i be se ka yɛlɛmani dɔw kɛ walisa ka saratiw dafa k’o lakɔli kɛ wa?

Minw b’o lakɔli kɛ, u be sababu sɔrɔ k’u seen don cidenya baara jumanw lo la? Minw y’o lakɔli kɛ, u y’u dɔw cii ka taga dɛmɛ don yɔrɔ minw na kaan wɛrɛ be fɔ wala ka waajuli kɛ jamayɔrɔw la, dugubaba dɔw kɔnɔ. Dɔw kɛra kafokulu kɔrɔsibaga kankɔrɔsigiw wala kafokulu kɔrɔsibagaw ye, ani dɔ wɛrɛw kɛra misɔndenw ye. I be se ka min bɛɛ kɛ Jehova ka baara la, an b’i jija i ka miiri o la, ani kɛ ni kira Ezayi ka miiriya ɲɔgɔn ye. A ko: “Ne filɛ nin ye. Ne ci.”—Ezayi 6:8.

VIDEWO NIN FILƐ: MISƆNDENW: U BE BAARA KƐ KA MƆGƆ KƆNƆGWƐW YƆRƆ ƝINI. O KƆ, ƝININGALI NUNU JAABI:

• 

  U be misɔndenw sugandi cogo di?

• 

  Misɔndenw be baara ɲuman juman lo kɛra?

• 

  Misɔndenw be duga minw sɔrɔ u ka cidenya baara la, u dɔw kofɔ?