A ɲini ka fɔrɔmasɔn sɔrɔ Alako ta fan fɛ

MUN NA A KƆRƆTANIN LO: Karamɔgɔba Jehova be fɔrɔmasɔn ɲuman di an ma min ɲɔgɔn tɛ yen. A b’a yira an na cogo min na an be se k’an ka ɲɛnamaya kɛcogo fisaya ani k’an yɛrɛ labɛn siniɲasigi ɲuman kama. A t’a ɲini an fɛ an ka wari sara! (Ezayi 11:6-9; 30:20, 21; Yir. 22:17). Jehova ka fɔrɔmasɔn sababu fɛ, an labɛnnin lo ka kibaro diiman fɔ mɔgɔw ye, o min fɛ u be se ka kisi.—2 Kor. 3:5.

A KƐCOGO:

• A ɲini ka kɛ ni majigilenya ye.—Zab. 25:8, 9.

• Sababu b’i fɛ sisan ka fɔrɔmasɔn minw kɛ, sɔn u la. Ɲɛyirali fɛ, lajɛn min be kɛ lɔgɔkun kɔnɔ, sɔn ka kalanw kɛ o lajɛn na.

• Laɲinitaw latigɛ i yɛrɛ ye Alako ta fan fɛ.—Filip. 3:13.

• A ɲini ka saratiw dafa walisa ka fɔrɔmasɔn wɛrɛ sɔrɔ.—Filip. 3:8.

VIDEWO NIN FILƐ: JEHOVA KA FƆRƆMASƆN Y’AN NAFA YƐRƐ LE. O KƆ, ƝININGALI NUNU JAABI:

• Weleweledala dɔw ye see sɔrɔ gwɛlɛya jumanw lo kan walisa ka se ka waajulikɛlaw ka lakɔli kɛ?

• Weleweledalaw be fɔrɔmasɔn juman lo sɔrɔ waajulikɛlaw ka lakɔli la?

• U ye minw ci kafo dɔw la o fɔrɔmasɔn kɔ, kafomɔgɔw y’u dɛmɛ cogo di u ka baara la?

• Mɔgɔ ka ɲi ka sarati jumanw lo dafa ka se ka waajulikɛlaw ka lakɔli kɛ? (kr-F 189).

• I be se k’a ɲini ka fɔrɔmasɔn wɛrɛ juman lo sɔrɔ Jehova ka ɔriganisasiyɔn kɔnɔ?