Ɲiningaliw kɛ i lamɛnbagaw ye

Ninsɔndiya Tigi Ala Jehova b’a fɛ an ka ninsɔndiya sɔrɔ waajuli baara la (1 Tim. 1:11). Dɔ bena fara an ka ninsɔndiya kan, n’an be banba k’an ka waajuli kɛcogo fisaya. Ɲiningaliw be se k’a to i lamɛnbaga b’a mako don baro la ani o ye cogo ɲuman ye ka baro daminɛ. Ɲiningaliw be mɔgɔ lasun ka miiri ani ka hakilijagabɔ kɛ (Mat. 22:41-45). N’an be ɲiningaliw kɛ, ani o kɔ, ka lamɛnni kɛ, a be i n’a fɔ an b’a fɔra a tigi ye le ko: “I koo ka gwɛlɛ n’ ma.” (Zaki 1:19). A tigi ka jaabiliw be se k’i dɛmɛ k’a lɔn i bena taga ɲɛ ni baro ye cogo min na.

VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—I KA WAAJULI KƐCOGO FISAYA: ƝININGALIW KƐ I LAMƐNBAGAW YE. O KƆ, ƝININGALI NUNU JAABI:

• 

  Jade y’a yira ko a be ni jogo ɲuman jumanw lo ye?

• 

  Rita tɛmɛna ɲiningaliw fɛ cogo di walisa k’a yira Jade la ko a b’a mako don a la?

• 

  Rita tɛmɛna ɲiningaliw fɛ cogo di walisa ka Jade lasun a k’a mako don a ka kumaw na bɛrɛbɛrɛ?

• 

  Rita ye baara kɛ ni ɲiningaliw ye cogo di walisa ka Jade lasun a ka miiri ani ka hakilijagabɔ kɛ?