I ka Bibulu kalandenw dɛmɛ u k’a ɲini ka teriya kɛ ni Jehova ye

Jehova b’a fɛ an ka baara kɛ ale ye sabu an b’a kanu (Mat. 22:37, 38). Bibulu kalandenw be ni kanuya min ye Ala koo la, o le bena fanga di u ma ka yɛlɛmaniw kɛ ani ka lɔ kelen kan ka kɔrɔbɔliw muɲu (1 Zan 5:3). O kanuya lo bena u lasun fana ka batize.

I ka Bibulu kalandenw dɛmɛ u k’a ye ko Ala b’u kanu. I be se ka ɲiningali nunu ɲɔgɔn kɛ u ye: “O be mun lo yira i la Jehova koo la?” wala “O b’a yira i la cogo di ko Ala b’i kanu?” U dɛmɛ u k’a ye Jehova b’u dɛmɛna cogo min na tigitigi (2 Til. Kib. 16:9). Jehova ye ele yɛrɛ ka deliliw jaabi koo tigitigi minw na, u dɔw lakali u ye. Ani, u jija u ka kɔrɔsili kɛ k’a filɛ Jehova b’u ka deliliw jaabi cogo min na. Ni Bibulu kalandenw b’a ye ko Jehova b’u kanu, ani ni olu fana b’a yira ko u b’a kanu ani ko u b’a fɛ ka kɛ a teri ye, o b’an ninsɔndiya kosɔbɛ.

VIDEWO NIN FILƐ: I KA BIBULU KALANDENW DƐMƐ U K’A ƝINI KA TERIYA KƐ NI JEHOVA YE. O KƆ, ƝININGALI NUNU JAABI:

• 

  Gwɛlɛya juman lo tun be Jade kan?

• 

  Rita ye Jade dɛmɛ cogo di?

• 

  Gwɛlɛya min tun be Jade kan, a ye see sɔrɔ o kan cogo di?