Tɛmɛ ɲɛyiraliw ni ntalen kumaw fɛ ka hakilinata jɔnjɔnw ɲɛfɔ

N’an be viziti kuraw wala bibulukalanw kɛra, an ka ɲi k’an lamɛnbagaw dɛmɛ u ka hakilinata jɔnjɔnw faamu. N’an be hakilinata jɔnjɔnw ɲɛyira, an bena se k’an lamɛnbagaw dusukun sɔrɔ, ani k’a kɛ u hakili be to an ka kalan na cogo nɔgɔman na.

N’i b’i yɛrɛ labɛnna viziti kura wala bibulukalan dɔ kama, a latigɛ i bena hakilinata jɔnjɔn minw ɲɛyira. Nka kana hakilinata misɛnmanw ɲɛyira. O kɔ, kalanden be min lɔn ka ɲɛ, basigi o kan ka ɲɛyirali nɔgɔman dɔ ta (Mat. 5:14-16; Mariki 2:21; Luka 14:7-11). Kalanden lamɔna yɔrɔ min na ani cogo min na, i janto o la, ani a ka teli ka min kɛ loon o loon i janto o la fana (Luka 5:2-11; Zan 4:7-15). N’i y’a ye ko a ɲɛda be manamana sabu a ye miiriya dɔ faamu, o bena i ninsɔndiya.

VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—I KA WAAJULI KƐCOGO FISAYA: TƐMƐ ƝƐYIRALIW NI NTALEN KUMAW FƐ KA HAKILINATA JƆNJƆNW ƝƐFƆ. O KƆ, ƝININGALI NUNU JAABI:

• 

  Mun na kalandenw mako be se ka kɛ dɛmɛ na walisa ka vɛrisew faamu?

• 

  Rita ye Ɔrɔmukaw 5:12 kɔnɔna kumaw ɲɛyira cogo di?

• 

  N’an be baara kɛ ni ɲɛyirali ɲumanw ye, o be se ka mun lo kɛ an lamɛnbagaw la?

• Jehova ka ɔriganisasiyɔn be videwow ani kalankɛminan wɛrɛ minw di an ma, mun na an ka ɲi ka baara kɛ n’u ye waajuli la?